ପ୍ୟାରିସ୍: ସାଉଦି ଆରବ ପ୍ରିନ୍ସ ମହମ୍ମଦ ବିନ୍ ସଲ୍ମାନ ଫ୍ରାନ୍ସ ଗସ୍ତରେ ଥିବାବେଳେ ମାତ୍ର ଗୋଟିଏ ରାତି ସଲମାନ୍ ବିଶ୍ୱର ସବୁଠାରୁ ଦାମୀ ଘରେ ରହିବା କଥା ଏବେ ଅନ୍ତର୍ଜାତୀୟ ଗଣମାଧ୍ୟମରେ ଖୁବ୍ ଚର୍ଚ୍ଚା ହେବାରେ ଲାଗିଛି। ଲୋଭେସିନ୍ନସ୍ର ଛାଟିୟୁ ଲୁଇସ୍ ଚର୍ତୁଦଶ ବିଶ୍ୱର ସବୁଠାରୁ ଦାମୀ ଘର ମଧ୍ୟରୁ ଗୋଟିଏ।
୭ ହଜାର ସ୍କୋୟାର ମିଟର ପରିମିତ ଅଞ୍ଚଳରେ ଏହି ବିରାଟ ବଙ୍ଗଳା ଅବସ୍ଥିତ। ତେବେ ଏହାର ମାଲିକ ହେଉଛନ୍ତି ନିଜେ ପ୍ରିନ୍ସ ସଲମାନ। ୨୦୧୫ରେ ଏହାକୁ ୨୭୫ ମିଲିୟନ୍ ୟୁରୋରେ ସେ କିଣିଥିଲେ। ୨୦୦୮ରୁ ୨୦୧୧ ମଧ୍ୟରେ ଏହି ବିଶାଳ ଘର ନିର୍ମାଣ କରାଯାଇଥିଲା। ପ୍ରପର୍ଟିି ଡେଭଲପର୍ ଇମାଦ ଖାଶୋଗ୍ଗିଙ୍କ କମ୍ପାନୀ ଏହାର ନିର୍ମାଣ କରିଥିଲା। ଏହା ଏକ ରାଜପ୍ରାସାଦ ହୋଇଥିଲେ ହେଁ ଯଦି କୌଣସି ବ୍ୟକ୍ତି ଏଠାରେ ସମୟ କାଟିବାକୁ ଚାହାନ୍ତି ତେବେ ସେ ଉପଯୁକ୍ତ ଦେୟ ଦେଇ ଏହାର ସୌନ୍ଦର୍ଯ୍ୟ ଉପଭୋଗ କରିପାରିବେ। ଏହାର ଇନ୍ଡୋର୍ ଓ ଆଉଟ୍ଡୋର୍ରେ ରିଭର୍ସିବଲ୍ ଏୟାର କଣ୍ଡିସନିଙ୍ଗ୍ର ସବୁଧା ରହିଛି। ଏଠାରେ ମ୍ୟୁଜିକ୍ର ସୁବିଧା ଥିବା ସହ ସ୍ବତନ୍ତ୍ର ସ୍ପିକର୍ ସାହାଯ୍ୟରେ ଏହାର ସାଉଣ୍ଡକୁ ନିୟନ୍ତ୍ରଣ କରାଯିବାର ସୁବିଧା ମଧ୍ୟ ଉପଲବ୍ଧ। ୨୩ ହେକ୍ଟର ପରିମିତ ସ୍ଥାନ କେବଳ ପାର୍କିଂ ବ୍ୟବସ୍ଥାକ ପାଇଁ ରଖାଯାଇଛି। ସପ୍ତଦଶ ଶତାବ୍ଦୀରେ ଏହାର ନିର୍ମାଣ କରାଯାଇଥିଲା। ବିଶେଷ ପ୍ରକାର ମାର୍ବଲ ଓ ସିଲ୍କ ଏଥିରେ ବ୍ୟବହାର କରାଯାଇଛି। ବାସ୍ତୁକଳା ପ୍ରତି ଥିବା ରାଜାଙ୍କ ରୁଚି ଅନୁସାରେ ଏହି ପ୍ରାସାଦର ନାମକରଣ ଛାଟିୟୁ ଲୁଇସ୍ ଚର୍ତୁଦଶ ରଖାଯାଇଥିବା କୁହାଯାଉଛି।
ପ୍ରାସାଦରେ ନାଇଟ୍ କ୍ଲବ ଏବଂ ସିନେମା ଘରର ସୁବିଧା ରହିଛି। ଏଥିସହ ପାଣିତଳେ ଏକ କାଚ ଘର ମଧ୍ୟ ରହିଛି। ଧଳା ଚମଡ଼ାରେ ତିଆରି ଫର୍ନିଚର ରଖାଯାଇଥିବାବେଳେ ଏଠାରେ ଧଳା ଓ ସୁନେଲି ରଙ୍ଗକୁ ବହୁଳ ଭାବେ ବ୍ୟବହାର କରାଯାଇଥିବା ଦେଖିବାକୁ ମିଳିଛି।
