ଦିଗପହଣ୍ଡି,୧୯।୬(ଡି.ଏନ୍.ଏ.): ଗଞ୍ଜାମ ଜିଲା ଦିଗପହଣ୍ଡି ବ୍ଲକ ଅଧୀନ ଏକ ଗାଁରେ ମା’ ଏବଂ ତାଙ୍କ ନାବାଳିକା ଝିଅଙ୍କୁ ଆକାଶ ଗୌଡ ନାମକ ଜଣେ ଯୁବକ ରାସ୍ତାରେ ଘୋଷାରି ନିସ୍ତୁକ ମାଡ଼ ମାରିବା ସହ ଅସଦାଚରଣ କରିଥିବା ଥାନାରେ ଅଭିଯୋଗ ହୋଇଛି। ଗାଁର କିଛି ବ୍ୟକ୍ତି ଘଟଣାସ୍ଥଳରେ ପହଞ୍ଚିଯିବାରୁ ସେ ଚମ୍ପଟ ମାରିଥିବା ଜଣାପଡିଛି। ଏ ନେଇ ଦିଗପହଣ୍ଡି ଥାନାରେ ମାମଲା ହେବା ପରେ ଆଇଆଇସି ବସନ୍ତ କୁମାର ସେଠୀ ଅଭିଯୁକ୍ତ ଆକାଶଙ୍କ ନାଁ ରେ କେସ ନଂ.୧୫୩/୨୧ରେ ମାମଲା ରୁଜୁ କରିଛନ୍ତି। ଅଭିଯୁକ୍ତ ଗିରଫ ଭୟରେ ଫେରାର ଥିବା ଜଣାପଡିଛି।
ଶନିବାର ଉଭୟ ମା’, ଝିଅ ଏକ ଭୋଜି ଖାଇବାକୁ ଯାଉଥିବା ବେଳେ ଅଭିଯୁକ୍ତ ଆକାଶ ଝିଅକୁ କମେଣ୍ଟ ମାରିଥିଲେ। ମା’ ଏହାର ପ୍ରତିବାଦ କରିବାରୁ ଅଭିଯୁକ୍ତ ଉଭୟଙ୍କୁ ରାସ୍ତା ଉପରେ ନିସ୍ତୁକ ମାଡ଼ ମାରିଥିବା ଏତଲାରେ ଉଲ୍ଲେଖଅଛି।