ଢ଼େଙ୍କାନାଳ ଅଫିସ,୧୨।୬: ଢେଙ୍କାନାଳ ଜିଲା ହିନ୍ଦୋଳ ରେଞ୍ଜ ରାସୋଳ ଥାନା କୁନୁଆ ଶବର ସାହିରେ ଶନିବାର ଏକ ମାଈ ହାତୀ ଶାବକ ଜନ୍ମ କରି ନିକଟସ୍ଥ ଜଙ୍ଗଲକୁ ପଳାଇଛି। ଖବରପାଇ ବନ ବିଭାଗର କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ହାତୀ ଶାବକର ଚିକିତ୍ସା କରୁଛନ୍ତି । ହାତୀ ଛୁଆଟି ଦୁର୍ବଳ ଥିବା ଜଣାପଡିଛି। ପ୍ରାଣୀ ଚିକିତ୍ସକଙ୍କ ପକ୍ଷରୁ ହାତୀ ଛୁଆକୁ ୮ଟି ଇଞ୍ଜେକଶନ ଓ ସାଲାଇନ୍ ଦିଆଯାଉଛି । ରବିବାର ସକାଳେ ହାତୀ ଛୁଆଟି ଛିଡା ହୋଇଛି। ରାତି ସୁଦ୍ଧା ମା ହାତୀ ଆସି ଛୁଆ ହାତୀକୁ ନ ନେଲେ ତାକୁ କପିଳାସ ପ୍ରାଣୀ ଉଦ୍ୟାନ ପରିସର ଥିବା ଏଲିଫ୍ୟାଣ୍ଟ ରେସ୍କୁ ସେଣ୍ଟରକୁ ଅଣାଯିବା ବୋଲି ଜିଲା ବନଖଣ୍ଡ ଅଧିକାରୀ ଡ. ପ୍ରକାଶ ଚାନ୍ଦ ଗୋଗିନେନି କହିଛନ୍ତି ।