ଜ୍ୱାଇଁଙ୍କ ସନ୍ତାନକୁ ଜନ୍ମ ଦେଲେ ଶାଶୁ । ଘଟଣାଟି ଆଶ୍ଚର୍ଯ୍ୟ ଲାଗୁଥିଲେ ବିି ସତ। ଏପରି ଏକ ଘଟଣା ଘଟିଛି ଆମେରିକାର ସିକାଗୋରେ। ସେଠାରେ ରହୁଥିବା ଜୁଲି ତାଙ୍କ ନାତିଙ୍କୁ ଜନ୍ମ ଦେଇଛନ୍ତି। ଜୁଲିଙ୍କ ଝିଅ ବ୍ରିଆନାଙ୍କ ଗର୍ଭଧାରଣରେ ବିଭିନ୍ନ ସମସ୍ୟା ହେଉଥିଲା। ଏପରିକି ସେ କେବେ ମାତୃତ୍ୱ ଲାଭ କରିପାରିବେନି ବୋଲି ଆଶଙ୍କା କରି ଦୁଃଖରେ ଭାଙ୍ଗି ପଡିଥିଲେ। ତେବେ ଝିଅ ମୁହଁରେ ହସଟିକେ ଦେଖିବା ପାଇଁ ତାଙ୍କ ମା’ ଏଭଳି ଦୃଢ ନିଷ୍ପତ୍ତି ନେବାକୁ ମନସ୍ଥ କରିଥିଲେ। ସେ ସରୋଗେସି କୌଶଳ ଆପଣାଇ ୫୧ ବର୍ଷରେ ନାତିଙ୍କୁ ଜନ୍ମ ଦେଇଥିଲେ।
ସୂଚନାଯୋଗ୍ୟ, ବ୍ରିଏନା ମା’ ହେବାକୁ ଅନେକ ଚେଷ୍ଟା କରିଥିଲେ। ଚାରି ବର୍ଷ ମଧ୍ୟରେ ସେ ଦୁଇଥର ଗର୍ଭବତୀ ମଧ୍ୟ ହୋଇଥିଲେ। ଯଦିଓ ଉଭୟ ଥର ସେ ନିଜ ପିଲାକୁ ବଞ୍ଚାଇ ପାରି ନ ଥିଲେ। ପରେ ତାଙ୍କୁ ଅସ୍ତ୍ରୋପଚାର କରିବାକୁ ପଡିଲା ଏବଂ ତାଙ୍କ ସ୍ବାସ୍ଥ୍ୟାବସ୍ଥା ଏପରି ହୋଇଗଲା ଯେ, ତାଙ୍କ ପାଇଁ ଗର୍ଭଧାରଣ କଷ୍ଟକର ହୋଇଗଲା।
ଏହି ଚାରି ବର୍ଷ ମଧ୍ୟରେ, ବ୍ରିଆନା ମଧ୍ୟ ଆଇଭିଏଫ୍ ଟେକ୍ନୋଲୋଜି ବ୍ୟବହାର କରିଥିଲେ, କିନ୍ତୁ ଏହା ସତ୍ତ୍ୱେ କୌଣସି ସୁଫଳ ମିଳି ନ ଥିଲା। ସେ ନିରାଶ ହୋଇଗଲେ। ସେ ଅନୁଭବ କଲେ ଯେ, କେବେବି ଆଉ ମା’ ଡାକ ଶୁଣିପାରିବେନି। ଏହି ସମୟରେ ଡାକ୍ତର ତାଙ୍କୁ ସରୋଗେସି ବିଷୟରେ ପରାମର୍ଶ ଦେଇଥିଲେ। ପରେ ତାଙ୍କ ମା’ ମଧ୍ୟ ସରୋଗେସି ମଦର ପାଇଁ ରାଜି ହୋଇଗଲେ।
ବ୍ରିଆନା ନିଜ ଏବଂ ତାଙ୍କ ପରିବାର ସମ୍ବନ୍ଧୀୟ ଇନଷ୍ଟାଗ୍ରାମ ପୃଷ୍ଠାରେ ଆଇଭିଏଫ ସରୋଗେସି ଡାଏରୀ ନାମରେ ଅପଡେଟ ପ୍ରଦାନ କରନ୍ତି। ତେବେ ଚଳିତ ମାସ ଆରମ୍ଭରେ ସେ କହିଥିଲେ ଯେ, ତାଙ୍କର ଏକ ପୁଅ ଜନ୍ମ ହୋଇଛି ଏବଂ ସେ ବହୁତ ଖୁସି ଅନୁଭବ କରୁଛନ୍ତି।
