ବରଗଡ଼ ଅଫିସ,୨୧।୧: ବରଗଡ଼ ଜିଲା ଭେଡେନ ବ୍ଲକ ବୁର୍ଦ୍ଦା ନିକଟରେ ଗୁରୁବାର ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଏକ ବାଲି ବୋଝେଇ ଟ୍ରାକ୍ଟର ଓ ବାଇକ ମୁହାମୁହିଁ ଧକ୍କା ହେବାରୁ ବାଇକ୍ରେ ବସିଥିବା ୩ ଜଣଙ୍କ ମଧ୍ୟରୁ ମା, ଝିଅଙ୍କ ଘଟଣାସ୍ଥଳରେ ମୃତ୍ୟୁ ହୋଇଛି। ସେମାନେ ହେଲେ ବଲାଙ୍ଗୀର ଜିଲା ବେନ୍ଦ୍ରା ଗ୍ରାମର ସତ୍ତ୍ବଞ୍ଜଳି ବାରିକ(୪୦) ଓ ଝିଅ ପ୍ରତୀକ୍ଷା(୪)। ଅନ୍ୟପଟେ ବାଇକ ଚଲାଉଥିବା ମୃତ ସତ୍ତ୍ବଞ୍ଜଳିଙ୍କ ସ୍ବାମୀ ମାନ୍ଧାତା ଗୁରୁତର ହୋଇଛନ୍ତି। ସେମାନେ ଏକ ବାଇକ୍ (ନଂ-ଓଆର ଓଡି ୧୭ ଭି ୪୫୧୬) ଯୋଗେ ଭେଡେନକୁ ଆସୁଥିବା ବେଳେ ବିପରୀତ ଦିଗରୁ ଆସୁଥିବା ଅନ୍ୟ ଏକ ବାଲି ବୋଝେଇ ଟ୍ରାକ୍ଟର ( ଓଡି ୧୭ ଟି ୨୫୮୫) ସହିତ ମୁହାଁମୁହିଁ ଧକ୍କା ହେବାରୁ ଏହି ଦୁର୍ଘଟଣା ଘଟିଥିଲା।