ନିଶ୍ଚିନ୍ତକୋଇଲି,୧୦।୫(ସ୍ବ.ପ୍ର): କଟକ ଜିଲା ନିଶ୍ଚିନ୍ତକୋଇଲି ବ୍ଲକରେ କରୋନାର ବିଭୀଷିକା ଉଗ୍ରରୂପ ନେଉଛି। ସଂକ୍ରମିତଙ୍କ ସଂଖ୍ୟା ଯେଉଁଭଳି ବଢିଚାଲିଛି ସେହିଭଳି ମୃତ୍ୟୁ ସଂଖ୍ୟା ମଧ୍ୟ ବୃଦ୍ଧି ପାଉଛି। ନିଶ୍ଚିନ୍ତକୋଇଲି ବ୍ଲକରେ ସୋମବାର ସୁଦ୍ଧା କରୋନାରେ ୬ ଜଣ ଆଖି ବୁଜିଲେଣି। ସୋମବାର ସକାଳୁ ଉକ୍ତ ବ୍ଲକ ଅଧୀନସ୍ଥ ଝାଡେଶ୍ୱର ପଞ୍ଚାୟତ ନରୁଆ-ମଙ୍ଗଳପୁର ଗ୍ରାମର ଅକ୍ଷୟ କାଣ୍ଡି(୫୨)ଙ୍କ କରୋନାରେ ମୃତ୍ୟୁ ଘଟିଛି। ପରେ ପୁଅର ମୃତ୍ୟୁ ଖବର ଶୁଣି ତାଙ୍କ ମା’ ରଙ୍ଗଲତା କାଣ୍ଡି(୭୫)ଙ୍କ ହୃଦଘାତରେ ମୃତ୍ୟୁ ଘଟିଛି। ତେବେ ସେ କରୋନା ନେଗେଟିଭ୍ ଥିଲେ ହେଁ ପରିବାର ଜ୍ଞାତି କୁଟୁମ୍ବ ତାଙ୍କ ମୃତଦେହ ସକତ୍ାର କରି ନ ଥିଲେ। ଖବର ପାଇ ନିଶ୍ଚିନ୍ତକୋଇଲି ବିଡିଓ କର୍ଣ୍ଣଦେବ ସମାଦ୍ଦାର, ତହସିଲଦାର ମାନସ ରଞ୍ଜନ ତରାସିଆ ପ୍ରମୁଖ ପହଞ୍ଚି ୨ ମୃତଦେହକୁ ସ୍ବତନ୍ତ୍ର ଶ୍ମଶାନକୁ ନେଇ କୋଭିଡ ଗାଇଡଲାଇନ ଅନୁଯାୟୀ ସଂସ୍କାର କରାଇଥିଲେ।
