ପ୍ରତ୍ୟେକ ଦିନ ସୋସିଆଲ ମିଡିଆରେ କିଛି ନା କିଛି ନୂତନ ଭିଡିଓ ଏବଂ ଫଟୋ ଭାଇରାଲ ହେଉଛି। ସେଥିରୁ କେତେକ ଭିଡିଓ ଏବଂ ଫଟୋ ହସର ଖୋରାକ ଯୋଗାଉଥିବା ବେଳେ କେତେକ ଭାବପ୍ରବଣ କରିଦିଏ। ସେହିଭଳି ଟୁଇଟରରେ ଏବେ ଏକ ଭିଡିଓ ଭାଇରାଲ ହେବାରେ ଲାଗିଛି। ଏଥିରେ ଏକ କାଉ ଓ ମୂଷାକୁ ଦେଖିବାକୁ ମିଳୁଛି। କାଉଟି ରାସ୍ତାରେ ପଡ଼ିଥିବା କିଛି ଖାଦ୍ୟ ଖାଉଥିବା ବେଳେ ମୂଷା ତା ପାଖକୁ ଖାଇବା ପାଇଁ ଆସି ସୁଦ୍ଧା ଭୟରେ ଫେରି ଯାଉଛି। ପରେ କାଉ ଏହା ଅନୁଭବ କରି ଖାଦ୍ୟରୁ ଅଳ୍ପ ଥଣ୍ଟରେ ନେଇ ରାସ୍ତା କଡ଼ରେ ପକାଉଛି। ମୂଷା ତାହା ଖାଇବାକୁ ଆସୁଛି। ଭିଡିଓକୁ ଭାରତୀୟ ବନସେବା ଅଧିକାରୀ ସୁଶାନ୍ତ ନନ୍ଦ ତାଙ୍କ ଟୁଇଟରରେ ଶେୟାର କରିଛନ୍ତି। ଭିଡିଓଟି ଭାଇରାଲ ହେବାରେ ଲାଗିଛି।
