ଭବାନୀପାଟଣା,୨୧।୧୦(ଡି.ଏନ.ଏ.): ଜଣେ ମା’ଙ୍କଠାରୁ ଜନ୍ମିତ ତିନୋଟି ଶିଶୁ ପର୍ଯ୍ୟାପ୍ତ ପରିମାଣରେ ପୁଷ୍ଟିକର ଖାଦ୍ୟ ପାଉ ନ ଥିବା ଖବର ସାମାଜିକ ଗଣମାଧ୍ୟମରେ ଦେଖି ସହଯୋଗର ହାତ ବଢାଇଛନ୍ତି ନର୍ଲା ବିଧାୟକ ଭୁପିନ୍ଦର ସିଂ।
ସୂଚନାଯୋଗ୍ୟ, ଏମ୍.ରାମପୁର ବ୍ଲକର ଆଦିବାସୀ ଅଧ୍ୟୁଷିତ ପଞ୍ଚାୟତ ଉର୍ଲଦାନୀ ପଞ୍ଚାୟତର ବିଡାବାରୁ ଗାଁର ବାସିନ୍ଦା ଗଜିନ୍ଦ୍ର କୁମାର। ଗରିବ ଶ୍ରେଣୀର ଗଜୀନ୍ଦ୍ରଙ୍କ ଘରେ ଗତ କିଛି ମାସତଳେ ତିନୋଟି ପୁତ୍ରସନ୍ତାନ ଜନ୍ମ ହୋଇଥିଲେ। ତିନି ସନ୍ତାନଙ୍କ ପାଇଁ ଉପଯୁକ୍ତ ପରିମାଣରେ ପୁଷ୍ଟିକର ଖାଦ୍ୟ ମିଳିପାରୁ ନ ଥିବା ବେଳେ ମା’ ଏବଂ ତିନୋଟି ଶିଶୁଙ୍କ ଫଟୋ ସୋସିଆଲ ମିଡିଆରେ ଭାଇରାଲ ହେଉଥିବା ଦେଖିବାକୁ ପାଇଥିଲେ ନର୍ଲା ବିଧାୟକ ଭୂପିନ୍ଦର ସିଂ। ପରେ ସେ ଏମ.ରାମପୁର ବିଜେଡି ବ୍ଲକ ସଭାପତି ଗୋବିନ୍ଦ ଶତପଥୀଙ୍କୁ ଏହି ବିଷୟ ଅବଗତ କରାଇ ତୁରନ୍ତ ସେହି ପରିବାରକୁ ଭେଟିବାକୁ କହିଥିଲେ। ଶତପଥୀ ତିନି ଶିଶୁଙ୍କ ପାଇଁ ପୁଷ୍ଟିକର ଖାଦ୍ୟ ନେଇ ଦେବା ସହ ପିଲାଙ୍କ ସ୍ବାସ୍ଥାବସ୍ଥା ପଚାରି ବୁଝିଥିଲେ।