ଭଞ୍ଜନଗର,୧୧।୧୦(ଡି.ଏନ୍.ଏ.)-ଭଞ୍ଜନଗର ଉତ୍ତର ଘୁମୁସର ବନଖଣ୍ଡରେ ହାତୀ ଚଳପ୍ରଚଳ ବୃଦ୍ଧି ପାଇଛି। ରବିବାର ସନ୍ଧ୍ୟା ସୁଦ୍ଧା ବନଖଣ୍ଡର ବିଭିନ୍ନ ରେଞ୍ଜରେ ୫୪ଟି ହାତୀ ଥିବା ଜଣାପଡ଼ିଛି। ସେଥିମଧ୍ୟରେ ତାରସିଂ ରେଞ୍ଜରେ ୨୩, ମୁଜାଗଡ଼ ରେଞ୍ଜରେ ୧୮, ଜଗନ୍ନାଥପ୍ରସାଦ ରେଞ୍ଜରେ ୧୩ ହାତୀ ରହିଛନ୍ତି। କିନ୍ତୁ ହାତୀ ସମ୍ପର୍କିତ ରିପୋର୍ଟ କର୍ମଚାରୀମାନେ ଦୌନନ୍ଦିନ ଠିକ୍ ଭାବେ ଅଫିସକୁ ଦେଉନାହାନ୍ତି। ଶୁକ୍ରବାର ରାତିରେ ମୁଜାଗଡ଼ ବନ ଉନ୍ନୟନ ନିଗମ ଡ଼ିପୋ ନିକଟ ଦେଇ ୧୭ଟି ହାତୀ ୨୧୭ନଂ. ଜାତୀୟ ରାଜପଥ ଅତିକ୍ରମ କରିଥିଲେ। ଏହି ସମୟରେ ରାତି ୧୨ଟାରୁ ପ୍ରାୟ ୧ଟା ପର୍ଯ୍ୟନ୍ତ ଜାତୀୟ ରାଜପଥରେ ଯାତାୟାତ ବନ୍ଦ ହୋଇଯାଇଥିଲା। ବନ ବିଭାଗ କର୍ମଚାରୀ ସେମାନଙ୍କୁ ଘଉଡ଼ାଇବା ପରେ ରାଜପଥରେ ଯାନବାହନ ଚଳାଚଳ ସ୍ବାଭାବିକ ହୋଇଥିଲା।
