ଚିତ୍ରକୋଣ୍ଡା,୨୪।୧୨(ଡି.ଏନ.ଏ): ପୁଣି ନକ୍ସଲଙ୍କ ବର୍ବର କାଣ୍ଡ। ଆନ୍ଧ୍ର-ଓଡିଶା ସୀମାନ୍ତ ମାଲକାନଗିରି ସ୍ବାଭିମାନ ଅଞ୍ଚଳ ନିକଟସ୍ଥ ଜଣକୁ ପୋଲିସ ଇନଫର୍ମର କହି ହାତ ବାନ୍ଧି ମୁଣ୍ଡ ପଛରେ ଧାରୁଆ ଅସ୍ତ୍ର ମାଧ୍ୟମରେ ମାରି ଦେଇଛନ୍ତି। ସେ ହେଉଛନ୍ତି ଆନ୍ଧ୍ର ପ୍ରଦେଶ ବିଶାଖାପଟନମ ଜିଲାର ପେଦାବାଇଲୁ ବ୍ଲକର ବିନିଲକୋଟା ପଞ୍ଚାୟତ ଅନ୍ତର୍ଗତ ଚିନ୍ତାଗୁରୁ ଗ୍ରାମର ସତୀଶ ବାବୁକୁ କରୁକୋଣ୍ଡାଦଲମ। ସତୀଶ ବାବୁଙ୍କୁ ବୁଧବାର ରାତି ପ୍ରାୟ ୨ଟା ବେଳେ ୨୦ରୁ ଉଦ୍ଧର୍ବ ମାଓବାଦୀ ଆସି ଘରରୁ ଡାକି ନେଇ ଚିନ୍ତାଗୁରୁ ଗ୍ରାମ ମୁଣ୍ଡରେ ହତ୍ୟା କରିଥିଲେ ଏବଂ ଘଟଣାସ୍ଥଳରେ ଏକ ଚିଠି ଛାଡିଥିଲେ। ମାଓବାଦୀ ମାନେ ଚିଠିରେ ପୋଲିସ ଇନଫର୍ମର ଓ ଗଞ୍ଜେଇ ବ୍ୟବସାୟ କରିବା ଏବଂ ଆଦିବାସୀଙ୍କୁ ହଇରାଣ କରୁଥିବାରୁ ମାଓବାଦୀମାନେ ହତ୍ୟା କରିଥିବାର ଦର୍ଶାଇଛନ୍ତି।