ନୂଆଦିଲ୍ଲୀ, ଭୁବନେଶ୍ୱର,୨୭।୮: ହୋଣ୍ଡା କାର୍ସ ଇଣ୍ଡିଆ ଲିମିଟେଡ(ଏଚ୍ସିଆଇଏଲ୍) ପକ୍ଷରୁ ବଜାରକୁ ନୂଆ ଜାଜ୍ ମଡେଲ ଆସିଛି। ପ୍ରିମିୟମ ହ୍ୟାଚ୍ ବ୍ୟାକ୍ ବର୍ଗରେ ଆସିଥିବା ଏହି ନୂଆ ଯାନଟି ସଦ୍ୟତମ ଲୁକ୍ସ, ପ୍ରିମିୟମ ଷ୍ଟାଇଲ, ନୂଆ ଫ୍ଲାଗଶିପ ଗ୍ରେଡ୍ ଜାଜ ଜେଡ୍ ଏକ୍ସ ସହ ଅନ୍ୟ ପ୍ରମୁଖ ଫିଚର ପ୍ରଦାନ କରୁଛି। ନୂଆଦିଲ୍ଲୀରେ ଅନୁଷ୍ଠିତ କାର୍ଯ୍ୟକ୍ରମରେ କମ୍ପାନୀର ସିଇଓ ଗାକୁ ନାକାନିସି ଏବଂ ମାର୍କେଟିଂ ଏବଂ ସେଲ୍ସ ବିଭାଗ ନିର୍ଦ୍ଦେଶକ ରାଜେଶ ଗୋୟଲ ଏହାର ବଜାର ପ୍ରବେଶ କରାଇଥିଲେ। ଭୁବନେଶ୍ୱରର ହାଇଓ୍ବେ ହୋଣ୍ଡା ଶୋ’ରୁମରେ ଆଦିତ୍ୟ ମୋଟର୍ସ ଏମ୍ଡି ଆଦିତ୍ୟ ପାତ୍ର ଏବଂ ସିଇଓ ରାଜୀବ ପଣ୍ଡା ମଡେଲଟିକୁ ଉନ୍ମୋଚନ କରିଥିଲେ। ନୂଆ ଯାନଟିରେ ଓ୍ବାନ ଟଚ୍ ଇଲେକଟ୍ରିକ ସନ୍ରୁଫ ନୂଆ କରି ସଂଯୋଗ କରାଯାଇଛି। ସେହିଭଳି ହାଇ ଗ୍ଲସ ବ୍ଲାକ ଗ୍ରୀଲ, ଅତ୍ୟାଧୁନିକ ଏଲ୍ଇଡି ପ୍ୟାକେଜ, ନୂଆ ଏଲ୍ଇଡି ହେଡ୍ ଲ୍ୟାମ୍ପ, ଏଲ୍ଇଡି ଫଗ୍ ଲ୍ୟାମ୍ପ, ରିୟର ଏଲ୍ଇଡି ଓ୍ବିଙ୍ଗ ଲାଇଟ, ନୂଆ କରି ଡିଜାଇନ ହୋଇଥିବା ଫ୍ରଣ୍ଟ ଏବଂ ରିୟର ବମ୍ପର, ସଫ୍ଟ ପ୍ୟାଡ ଡ୍ୟାସ ବୋର୍ଡ ଏଥିରେ ସାମିଲ ରହିଛି। ଏହାବାଦ ଓ୍ବେବଲିଙ୍କ ସ୍ମାର୍ଟଫୋନ ସଂଯୋଗ ସୁବିଧା, କ୍ରୁଜ କଣ୍ଟ୍ରୋଲ, ଫ୍ଲସ ଫିଟ୍ ପାର୍କିଂ ସେନ୍ସର, କ୍ରୋମ ରିଙ୍ଗ ଷ୍ଟିଅରିଂ ସୁଇଚ୍, ଓ୍ବାନ ପୁସ୍ ଷ୍ଟାର୍ଟ ବଟନ ଏବଂ ସ୍ମାର୍ଟ କି ସହ ଷ୍ଟପ୍ ବଟନ ଏଥିରେ ଗ୍ରାହକ ପାଇପାରିବେ। ଯାନଟିର ବଜାର ଦର ୭.୫୭ ଲକ୍ଷ ଟଙ୍କାରୁ ଆରମ୍ଭ ହେଉଛି। ନୂଆ ମଡେଲରେ ପ୍ରଦାନ କରାଯାଇଥିବା ସଦ୍ୟତମ ଫିଚର ଗ୍ରାହକଙ୍କ ଦ୍ୱାରା ବେଶ ସହାୟକ ହେବ ବୋଲି ବୋଲି ହୋଣ୍ଡା କାର୍ସ ସିଇଓ ନାକାନିସି କହିଛନ୍ତି।