ଭୁବନେଶ୍ୱର,୧ା୧୦(ବ୍ୟୁରୋ): ନୂଆ ମୋଟରଯାନ ଆଇନ ଅନୁଯାୟୀ ଗୁରୁବାରଠାରୁ ଲାଗୁ ହୋଇଛି ନୂଆ ନିୟମ। ଏଣିକି ଗାଡ଼ି ଚଳାଇବା ସମୟରେ ଡ୍ରାଇଭିଂ ଲାଇସେନ୍ସ କିମ୍ବା ଗାଡ଼ି କାଗଜପତ୍ରର ମୂଳ କପି ରଖିବା ବାଧ୍ୟତାମୂଳକ ନୁହେଁ।
ମୂଳ କପି ରଖି ନ ଥିଲେ ମଧ୍ୟ ଟ୍ରାଫିକ ପୋଲିସ କୌଣସି ଗାଡ଼ିଚାଳକଙ୍କୁ ଜରିମାନା କରିପାରିବେ ନାହିଁ। ମାତ୍ର ଏନେଇ ଗାଡ଼ିଚାଳକଙ୍କୁ କିଛି ନିୟମ ମାନିବାକୁ ପଡ଼ିବ। ପ୍ରତ୍ୟେକ ଗାଡ଼ି ଚାଳକଙ୍କୁ ନିଜ ଫୋନ୍ରେ ଡିଜି ଲକ୍ କିମ୍ବା ଏମ୍ ପରିବହନ ଆପ୍ ଲୋଡ୍ କରିବାକୁ ପଡ଼ିବ। ଏହି ଆପ୍ରେ ନିଜ ଗାଡ଼ି କାଗଜପତ୍ର, ଡ୍ରାଇଭିଂ ଲାଇସେନ୍ସ, ପ୍ରଦୂଷଣ ସାର୍ଟିଫିକେଟ ଆଦିର ଡିଜିଟାଲ କପି ରଖିପାରିବେ। ଏହାକୁ ଦେଖାଇଲେ ଟ୍ରାଫିକ ପୋଲିସ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିପାରିବ ନାହିଁ।