କେନ୍ଦୁଝର, ୨୭।୨ (ସ୍ବ.ପ୍ର.): ଟାଉନ ଥାନା ଅଞ୍ଚଳରୁ ଅପହରଣ ହୋଇଥିବା ନାବାଳିକା ଘଟଣାକୁ ନେଇ ଅତିରିକ୍ତ ତଥ୍ୟ ଦେବାକୁ ଜାତୀୟ ମାନବାଧିକାର କମିଶନ କେନ୍ଦୁଝର ଜିଲାପାଳ ଓ ଏସ୍ପିଙ୍କୁ ଆଦେଶ କରିଛନ୍ତି। ଉକ୍ତ ନାବାଳିକା ଉଦ୍ଧାର ହୋଇଥିଲେ ହେଁ ଅଭିଯୁକ୍ତ ବିରୋଧରେ କଣ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି ଏବଂ ପିଡିତାଙ୍କୁ କଣ କ୍ଷତିପୂରଣ ବାବଦକୁ ଅର୍ଥ ଦିଆଯାଇଛି ସେ ନେଇ ତଥ୍ୟ ମାଗିବା ସହ ଏପ୍ରିଲ ୪ ତାରିଖ ସୁଦ୍ଧା ଦେବାକୁ ଆଦେଶ କରିଥିବା ମାନବାଧିକାର କର୍ମୀ ହିମାଂଶୁ ନାୟକ ସୂଚନା ଦେଇଛନ୍ତି। ଏନେଇ ପୋଲିସ ଏକ ମାମଲା ରୁଜୁ କରିଥିବା ଜଣାଇଥିଲେ। ଉକ୍ତ ନାବାଳିକାଙ୍କୁ ତା ୩।୧୧।୨୦୨୧ ରିଖରେ ଖୋର୍ଦ୍ଧାରୁ ଅଭିଯୁକ୍ତଙ୍କ ଘରୁ ଉଦ୍ଧାର କରାଯାଇଥିବା ଏବଂ ଡାକ୍ତରୀ ପରୀକ୍ଷା ପରେ ମୁକ୍ତାକାଶ କେନ୍ଦ୍ରକୁ ପଠାଯାଇଥିବା ପୋଲିସ କମିଶନକୁ ଜଣାଇଥିଲେ। ତେବେ ଅଭିଯୁକ୍ତ ଗିରଫ ହୋଇ ନ ଥିବା ବେଳେ ପିଡିତାଙ୍କୁ କ୍ଷତିପୂରଣ ବାବଦକୁ ଅର୍ଥ ମିଳିଛି କି ନାହିଁ ସୂଚନା ଦିଆଯାଇ ନ ଥିବାରୁ କମିଶନ ସବିଶେଷ ତଥ୍ୟ ମାଗିଥିବା ଜଣାପଡିଛି ା
