ନୂଆଦିଲ୍ଲୀ, ୧୭ା୩ (ପି.ଟି.)-ଭାରତର ଅନ୍ୟତମ ଡିଜିଟାଲ ବ୍ରୋକୋରେଜ ସଂସ୍ଥା ଅପ୍ଷ୍ଟକ୍ସ ଇଣ୍ଡିଆନ ପ୍ରିମିୟର ଲିଗ୍ (ଆଇପିଏଲ୍)ର ଅନ୍ୟତମ ଅଫିସିଆଲ ପାର୍ଟନର ଭାବେ ଯୋଗଦେଇଛି। ଆଇପିଏଲ୍ ଗଭର୍ନିଂ କାଉନ୍ସିଲ ତରଫରୁ ଏହା ଘୋଷଣା କରାଯାଇଛି। ଚଳିତବର୍ଷର ଆଇପିଏଲ୍ ଏପ୍ରିଲ ୯ରୁ ଆରମ୍ଭ ହେଉଛି। ଟାଇଗର ଗ୍ଲୋବାଲ ଭଳି ନିବେଶକର ସମର୍ଥନ ରହିଥିବା ଅପଷ୍ଟକ୍ସର ୨.୮ ନିୟୁତ ଗ୍ରାହକ ରହିଛନ୍ତି। ବିସିସିଆଇ ଓ ଅପ୍ଷ୍ଟକ୍ସ ମଧ୍ୟରେ ବହୁ ବର୍ଷୀୟ ଚୁକ୍ତିରେ ହୋଇଥିବା କାରବାର ସମ୍ପର୍କରେ କୌଣସି ସୂଚନା ଦିଆଯାଇ ନାହିଁ। ଆଇପିଏଲ୍ ଇତିହାସରେ ପ୍ରଥମ ଥର ଷ୍ଟକ୍ ଓ ମ୍ୟୁଚୁଆଲ ଫଣ୍ଡ୍ ସେକ୍ଟରର ଏକ ବ୍ରାଣ୍ଡ୍ ଅଫିସିଆଲ ପାର୍ଟନର ହୋଇଛି। ଏହି ପରିପ୍ରେକ୍ଷୀରେ ଆଇପିଏଲ୍ ଚେୟାରମ୍ୟାନ ବ୍ରିଜେଶ ପଟେଲ କହିଛନ୍ତି, ଅପ୍ଷ୍ଟକ୍ସ ହେଉଛି ଦ୍ରୁତ ଭାବେ ପ୍ରସାର କରିଥିବା ଭାରତର ଏକ ଡିଜିଟାଲ ଟ୍ରେଡିଂ ପ୍ଲାଟଫର୍ମ। ଏହାର ଭାରତରେ ଆଇପିଏଲ୍ର କୋଟି କୋଟି ଯୁବ କ୍ରିକେଟପ୍ରେମୀଙ୍କ ଉପରେ ଖୁବ୍ ପ୍ରଭାବ ପକାଇବ, ଯେଉଁମାନେ କି ଆର୍ଥିକ କ୍ଷେତ୍ରରେ ସ୍ବାଧୀନ ହେବାକୁ ଚାହୁଁଛନ୍ତି। ଏହି ପରିପ୍ରେକ୍ଷୀରେ ଅପ୍ଷ୍ଟକ୍ସର ସହ ପ୍ରତିଷ୍ଠାତା ତଥା ସିଇଓ ରବି କୁମାର କହିଛନ୍ତି ତାଙ୍କ କମ୍ପାନୀ ଦେଶରେ ଆର୍ଥତ୍କ ବିପ୍ଳବ ଆଣିବାରେ ପ୍ରୟାସ କରିବ।
