ପ୍ରତ୍ୟେକ ଦିନ ସୋସିଆଲ ମିଡିଆରେ କିଛି ନା କିଛି ନୂତନ ଭିଡିଓ ଏବଂ ଫଟୋ ଭାଇରାଲ ହେଉଛି। ସେଥିରୁ କେତେକ ଭିଡିଓ ଏବଂ ଫଟୋ ହସର ଖୋରାକ ଯୋଗାଉଥିବା ବେଳେ କେତେକ ଭାବପ୍ରବଣ କରିଦିଏ। ସେହିଭଳି ଟୁଇଟରରେ ଏବେ ଏକ ଭିଡିଓ ଭାଇରାଲ ହେବାରେ ଲାଗିଛି। ଏଥିରେ ଜଣେ ବୃଦ୍ଧଙ୍କ ସବୁ ଘର ପୋଡ଼ି ଯାଇଥିବା ବେଳେ ସେ ଖୁସିରେ ହସୁଛନ୍ତି। ତାଙ୍କ ଖୁସିର କାରଣ ଜାଣିଲେ ଆପଣ ମଧ୍ୟ ଆଶ୍ଚର୍ଯ୍ୟ ହୋଇଯିବେ। ଘରେ ସବୁ ପୋଡ଼ି ଯାଇଥିବା ବେଳେ କେବଳ ପୋଷା ବିଲେଇ ବଞ୍ଚି ଯାଇଛି ଆଉ ତାହା ହିଁ ହେଉଛି ତାଙ୍କ ଖୁସି। ବିଲେଇକୁ ଧରି ସେ ଖୁବ କାନ୍ଦୁଛନ୍ତି। ଭିଡିଓକୁ ଭାରତୀୟ ବନସେବା ଅଧିକାରୀ ସୁଶାନ୍ତ ନନ୍ଦ ତାଙ୍କ ଟୁଇଟରରେ ଶେୟାର କରିଛନ୍ତି। ଭିଡିଓଟି ଅଧିକ ଭାଇରାଲ ହେବାରେ ଲାଗିଛି।
