ଯେତେବେଳେ କ୍ରେଜ୍ କାହାର ମୁଣ୍ଡରେ ଚଢ଼ିଯାଏ, ସେତେବେଳେ ଜଣେ ବ୍ୟକ୍ତି କିଛି ବି କରିପାରେ। କେବଳ ନିଜ ଭିତରେ ଉତ୍ସାହ ରହିବା ଦରକାର। ବୟସ ଯେତେ ବଢୁନା କାହିଁକି ଇଚ୍ଛାଶକ୍ତି ଥିଲେ ମଣିଷ ସଫଳତା ହାସଲ କରିଥାଏ। ସେମିତି ଏକ ଉଦାହରଣ ସୃଷ୍ଟି କରିଛନ୍ତି ଜଣେ ବୃଦ୍ଧ।
୬୧ ବର୍ଷୀୟ ରିଚାର୍ଡ ସ୍କଟ୍ ଇଂଲଣ୍ଡର କିନ୍ନରସରେ ଦୋଳି ଖେଳି ଗିନିଜ ଓ୍ବାଲର୍ଡ ରେକର୍ଡ ସୃଷ୍ଟି କରିଛନ୍ତି। ସେ ଦୋଳିରେ ଦୀର୍ଘ ୩୬ ଘଣ୍ଟା ବସିଥିଲେ। ଏହି ସମୟରେ, ଘଣ୍ଟା ପ୍ରତି ୫ ମିନିଟ୍ ବିରତି ପାଇଁ ଅନୁମତି ଦିଆଯାଇଥିଲା।
ଦୋଳି ଖେଳିବାରେ ତାଙ୍କର ଏପରି ଦକ୍ଷତା ଅଛି ଯେ, ସେ ପ୍ରଶଂସାର ପାତ୍ର ହୋଇପାରିଛନ୍ତି।
୩୬ ଘଣ୍ଟା ଦୋଳି ଖେଳିବା ତାଙ୍କ ପାଇଁ ଏକ ସୁନ୍ଦର ଅନୁଭୂତି ଥିଲା ବୋଲି ସେ କୁହନ୍ତି। ଏହି ଦୋଳି ମାରାଥନ ସେ ଅକ୍ଟୋବର ୨୦୨୦ରେ କ୍ୱିନ ଲେଭିଙ୍କ ଦ୍ୱାରା ନିର୍ମିତ ୩୪ ଘଣ୍ଟିଆ ରେକର୍ଡକୁ ଭାଙ୍ଗିଥିଲେ। କିନ୍ନରସ ଏବଂ ଜିଲାର ରୋଟାରୀ କ୍ଲବ, ଯେଉଁଠାରେ ସ୍କଟ୍ ଜଣେ ସଦସ୍ୟ, ରିଚାର୍ଡ ସ୍କଟ୍ଙ୍କ ଦୋଳି ଖେଳିବା ଅଭ୍ୟାସର ଏକ ଭିଡିଓ ଫେସବୁକରେ ଶେୟାର କରିଥିଲେ। ଏହି ବିଷୟରେ ତାଙ୍କ ଅଭିଜ୍ଞତା ବାଣ୍ଟି ସ୍କଟ କହିଥିଲେ, ଏହା ବହୁତ ଭଲ ଥିଲା। ଗୋଡର ଉପର ଭାଗରେ ସାମାନ୍ୟ ଯନ୍ତ୍ରଣା ହୁଏ। ଏହା ବ୍ୟତୀତ ଅନ୍ୟ ସବୁକିଛି ଠିକ୍ ଥିଲା। ଏହା ଏକ ସୁନ୍ଦର ଅନୁଭୂତି ଥିଲା। ଯଦିଓ ଏହା ଏକ ଚ୍ୟାଲେଞ୍ଜିଂ ଥିଲା, ତଥାପି ଭଲ ଥିଲା। ମୁଁ ବହୁତ ଉତ୍ସାହିତ ଅଛି ବୋଲି ସେ ଲେଖିଛନ୍ତି।
