ପୁରୀ ଅଫିସ,୮ା୧୧: ପାରିବାରିକ କଳହ ଏବେ ଭୟଙ୍କର ରୂପ ନେଉଛି। ଅନେକ ସମୟରେ ନିଜ ଜନ୍ମ କଲା ମାଆକୁ ବି ପୁଅ ହତାଦାର କରୁଛନ୍ତି। ଶନିବାର ପୁରୀରେ ଏମିତି ଏକ ଘଟଣା ନଜରକୁ ଆସିଛି। ବୃଦ୍ଧା ରୋଗଣା ମାଆକୁ ସ୍ତ୍ରୀ ସହିତ ମିଶି ଘରୁ ତଡ଼ିଦେଇଛି ପୁଅ।
ମିଳିଥିବା ସୂଚନା ଅନୁଯାୟୀ, ମାଟିଆପଡ଼ା ଅଞ୍ଚଳରେ ଜଣେ ୭୦ ବର୍ଷୀୟା ବୃଦ୍ଧା ଘରୋଇ ନିର୍ଯାତନାର ଶିକାର ହୋଇଛନ୍ତି। ମଧୁମେହ ଓ ପକ୍ଷାଘାତ ରୋଗରେ ଆକ୍ରାନ୍ତ ଏହି ବୃଦ୍ଧାଙ୍କର ଦୁଇଝିଅ ଓ ପୁଅ ଅଛନ୍ତି। ଦୁଇଝିଅ ବିବାହ କରିସାରିଥିବାବେଳେ ସେ ନିଜ ଘରେ ସ୍ବାମୀ ଓ ପୁଅବୋହୂଙ୍କ ସହ ରହୁଛନ୍ତି। ଅଭାବୀ ସଂସାର ଭିତରେ ପୁଅ କିପରି ଭଲରେ ରହିବ ସେଥିପାଇଁ ସବୁବେଳେ ମାଆ ଚେଷ୍ଟା କରିଆସୁଥିଲେ। ହେଲେ ଗତବର୍ଷ ପୁଅ ବାହା ହେଲା ପରେ ସମ୍ପୂର୍ଣ୍ଣ ବଦଳିଯାଇଥିଲେ। ମାଆକୁ ଠିକ୍ ଭାବେ ଖାଇବାକୁ ନ ଦେଇ ଘର ଛାଡି ଚାଲିଯିବାକୁ ପୁଅ କହୁଥିବାବେଳେ ମାଆର ଏପରି ଅବସ୍ଥା ଦେଖି ଦୁଇଝିଅ ଘରକୁ ଆସିଲେ ଭାଇ ଭାଉଜ ସେମାନଙ୍କୁ ବାରଣ କରୁଛନ୍ତି। ପ୍ରତିବାଦ କଲେ ମିଥ୍ୟା ମାମଲା କରିବାକୁ ପାଇଁ ଭାଉଜ ଧମକ ଦେଉଛନ୍ତି। ତେବେ ଶନିବାର ମାଆକୁ ପୁଅବୋହୂ ଧକ୍କା ମାରି ଘର ବାହାରକୁ ନେଇଯାଇଥିଲେ। ଖବର ପାଇ ଦୁଇଝିଅ ପହଞ୍ଚତ୍ ମାଆକୁ ଉଦ୍ଧାର କରିଥିଲେ।