କୁହାଯାଏ, ପ୍ରେମରେ କୌଣସି ବୟସ ନାହିଁ। କାହାକୁ କେତେବେଳେ ପ୍ରେମ ହୋଇଯିବ ତାହା କହି ହେବ ନାହିଁ। ଠିକ୍ ସେମିତି ଏକ ଘଟଣା ଘଟିଛି ଆମେରିକାରେ। ଏଠାକାର ଜଣେ ବୃଦ୍ଧା ୨୪ ବର୍ଷୀୟ ଯୁବକଙ୍କୁ ପ୍ରେମ ବିବାହ କରିବେ। ଏହି ବୃଦ୍ଧାଙ୍କର ପୁଅ ବୋହୂ ୧୭ ନାତି ନାତୁଣୀ ଅଛନ୍ତି।
୨୪ ବର୍ଷୀୟ କ୍ୟୁରେନ୍ ମ୍ୟାକେନ ଏବଂ ୬୧ ବର୍ଷୀୟା ବୃଦ୍ଧା ଚେରିଲ ମ୍ୟାକ୍ଗ୍ରେଗୋର ଲିଭ୍ଇନ୍ରେ ରହୁଛନ୍ତି। ଦୁହିଁଙ୍କ ମଧ୍ୟରେ ୩୭ ବର୍ଷ ଅନ୍ତର। ତଥାପି ପ୍ରେମରେ ପଡ଼ିଛନ୍ତି ବୃଦ୍ଧା। ଯେତେବେଳେ କ୍ୟୁରେନଙ୍କୁ ୧୫ ବର୍ଷ ହୋଇଥିଲା ସେତେବେଳେ ଚେରିଲ ତାଙ୍କ ପ୍ରେମରେ ପଡ଼ିଥିଲେ। ଦୁହିଁଙ୍କର ସାକ୍ଷାତ ୨୦୧୨ରେ ଏକ ହୋଟେଲରେ ହୋଇଥିଲା। ଏବେ କ୍ୟୁରେନ୍ଙ୍କୁ ୨୪ ବର୍ଷ। ଦୁହେଁ ଏକାଠି ରହୁଛନ୍ତି। ପ୍ରେମକୁ ନେଇ ଦୁଇଜଣ ବହୁତ ଖୁସି ଥିବା କହିଛନ୍ତି।
ସୋସିଆଲ ମିଡିଆରେ ଲୋକେ ଏମାନଙ୍କୁ ନେଇ ବହୁତ ଖରାପ କମେଣ୍ଟ ସବୁ ଦେଉଛନ୍ତି। କିନ୍ତୁ ସେମାନଙ୍କୁ କିଛି ଫରକ ପଡୁନି। ଏହି ପ୍ରେମୀଯୁଗଳ ସୋସିଆଲ ମିଡିଆରେ ଅଧିକାଂଶ ସମୟ ରୋମାଣ୍ଟିକ୍ ଫଟୋ ବି ଶେୟାର କରିଛନ୍ତି। ତାଙ୍କର ଟିକ୍ଟକରେ ୮୨୬,୦୦୦ରୁ ଅଧିକ ଫଲୋଅର୍ସ ଅଛନ୍ତି।
