ଗ୍ୟାସ ସିଲିଣ୍ଡର ଦାମ କମ୍ର ଟାଇମିଂକୁ ନେଇ ମୋଦି ସରକାରଙ୍କୁ ଟାର୍ଗେଟ କଲେ ବିରୋଧୀ
02 ନୂଆଦିଲ୍ଲୀ,୮।୩: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶୁକ୍ରବାର ଅନ୍ତର୍ଜାତୀୟ ମହିଳା ଦିବସ ଅବସରରେ ଦେଶର ମହିଳାମାନଙ୍କୁ ଏକ ବଡ ଉପହାର ଦେଇଛନ୍ତି। ଘରୋଇ ଏଲପିଜି ଗ୍ୟାସ ସିଲିଣ୍ଡର ମୂଲ୍ୟରେ ଏକ ବଡ଼ ହ୍ରାସ ଘୋଷଣା କରିଛନ୍ତି। ପ୍ରଧାନମନ୍ତ୍ରୀ କହିଛନ୍ତି ଯେ ଗ୍ୟାସ ସିଲିଣ୍ଡରର ମୂଲ୍ୟ ୧୦୦ ଟଙ୍କା ହ୍ରାସ କରାଯାଉଛି। ଏଥିସହ ସିଲିଣ୍ଡର ମୂଲ୍ୟ ହ୍ରାସ କରିବାର ସମୟ ନେଇ ବିରୋଧୀ ପ୍ରଶ୍ନ ଉଠାଇଛନ୍ତି। ନିର୍ବାଚନକୁ ଦୃଷ୍ଟିରେ ରଖି ଏହା କରାଯାଇଛି ବୋଲି ବିରୋଧୀ କହିଛନ୍ତି।
ପ୍ରଧାନମନ୍ତ୍ରୀ ମୋଦି ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ଲେଖିଛନ୍ତି, ‘ଆଜି ମହିଳା ଦିବସ ଅବସରରେ ଆମ ସରକାର ଏଲପିଜି ସିଲିଣ୍ଡରର ମୂଲ୍ୟ ୧୦୦ ଟଙ୍କା ହ୍ରାସ କରିବାକୁ ନିଷ୍ପତ୍ତି ନେଇଛନ୍ତି। ଏହାଦ୍ୱାରା ଦେଶର ଲକ୍ଷ ଲକ୍ଷ ପରିବାର ଉପରେ ଆର୍ଥିକ ବୋଝ ଯଥେଷ୍ଟ ହ୍ରାସ ପାଇବ, ବିଶେଷ କରି ଆମର ମହିଳା ଶକ୍ତି ଉପକୃତ ହେବେ। ଅନ୍ୟପକ୍ଷରେ ମୂଲ୍ୟ ହ୍ରାସ ଘୋଷଣା ହେବା ମାତ୍ରେ ବିରୋଧୀ ଏହାର ସମୟକୁ ଲୋକ ସଭା ନିର୍ବାଚନ ସହ ଯୋଡିଥିଲେ।
ଜାତୀୟତାବାଦୀ କଂଗ୍ରେସ ପାର୍ଟି (ଶରଦ ଦଳ)ଏମପି ସୁପ୍ରିୟା ସୁଲେ ସିଲିଣ୍ଡର ମୂଲ୍ୟ ହ୍ରାସକୁ ଅନ୍ୟ ଏକ ଜୁଲମ ବୋଲି ବର୍ଣ୍ଣନା କରିଛନ୍ତି। ସେ କହିଛନ୍ତି, ମୁଁ ଏଥିରେ ଆଦୌ ଆଶ୍ଚର୍ଯ୍ୟ ନୁହେଁ। ତୁମେ କେବଳ ଏହାର ସମୟକୁ ଦେଖ। ଏହି (କେନ୍ଦ୍ର ସରକାର) ଲୋକମାନେ ଗତ ୯ବର୍ଷ ଧରି କ୍ଷମତାରେ ଅଛନ୍ତି। ସେମାନେ ଏହା ପୂର୍ବରୁ କାହିଁକି ଏ କଥା ଚିନ୍ତା କଲେ ନାହିଁ। ସୁଲେ କହିଛନ୍ତି, ନିର୍ବାଚନ ପାଖେଇ ଆସିବା ମାତ୍ରେ ମୋର ଅର୍ଥ ହେଉଛି ଆସନ୍ତା ୫ କିମ୍ବା ୬ଦିନ ମଧ୍ୟରେ ନିର୍ବାଚନ ତାରିଖ ଘୋଷଣା ହେବ, ସେତେବେଳେ ଏହା ହୋଇଯିବ।