ସାରସକଣା,୧ା୬(ଡି.ଏନ୍.ଏ.): ମୟୂରଭଞ୍ଜ ଜିଲା ଝାରପୋଖରିଆ ଥାନା ସଙ୍କୁଚା ନିକଟରେ ଏକ ବରଯାତ୍ରୀ ଗାଡ଼ି ଫେରୁଥିବାବେଳେ ଦୁର୍ଘଟଣାଗ୍ରସ୍ତ ହୋଇଛି। ଏଥିରେ ଜଣଙ୍କର ମୃତ୍ୟୁ ଘଟିଥିବା ବେଳେ ୧୨ ଜଣ ଗୁରୁତର ହୋଇଛନ୍ତି। ତେବେ ମୃତକଙ୍କ ପରିଚୟ ମିଳିପାରି ନାହିଁ।
ସୂଚନାଯୋଗ୍ୟ, ପାକଟିଆ ଗ୍ରାମରୁ କାଠର୍ଶିଷୀ ଦେଇ ଏକ ବରଯାତ୍ରୀ ଗାଡ଼ି (ଓଆର୍ ୧୧ଏଚ୧୮୫୮) ଯାଉଥିବା ସମୟରେ ୧୮ନଂ. ଜାତୀୟ ରାଜପଥ ସଙ୍କୁଚା ନିକଟ ଡିଭାଇଡରର ଲୁହା ବାଡ଼ରେ ପ୍ରଥମେ ବାଡ଼େଇ ହୋଇ ପ୍ରାୟ ୧୦୦ ମିଟର ଦୂରରେ ଓଲଟି ପଡ଼ିଥିଲା। ସ୍ଥାନୀୟ ଲୋକ ଏବଂ ପୋଲିସ ସହାୟତାରେ ପାଖାପାଖି ୧୨ ଜଣ ଗୁରୁତରଙ୍କୁ ଉଦ୍ଧାର କରାଯାଇ ବାରିପଦା ପିଆରଏମ୍ ମେଡିକାଲରେ ଭର୍ତ୍ତି କରାଯାଇଥିଲା। ତେବେ ମୃତକଙ୍କ ପରିଚୟ ମିଳିପାରି ନାହିଁ । ଝାରପୋଖରିଆ ଥାନାଧିକାରୀ ଓ ଡିଏସ୍ପି ମୁକ୍ତି କୁମାର କୁଲୁ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛନ୍ତି ।