ନିଶ୍ଚିନ୍ତକୋଇଲି,୧୬।୨(ସ୍ବପ୍ର): କଟକ ଜିଲା ମାହାଙ୍ଗା ନିର୍ବାଚନ ମଣ୍ଡଳୀରେ ତ୍ରିସ୍ତରୀୟ ପଞ୍ଚାୟତ ନିର୍ବାଚନରେ ନିଜର ମତଦାନ କରିଛନ୍ତି ପଞ୍ଚାୟତରାଜ ମନ୍ତ୍ରୀ ପ୍ରତାପ ଜେନା। ସେ ମାହାଙ୍ଗାରେ ପ୍ରଥମ ଥର ପାଇଁ ପଞ୍ଚାୟତ ନିର୍ବାଚନରେ ନିଜର ମତଦାନ ଅଧିକାର ସାବ୍ୟସ୍ତ କରିଛନ୍ତି। ପୂର୍ବରୁ ସେ କଟକ ମହାନଗର ନିଗମରେ ନିଜର ଭୋଟ ଦେଇ ଆସୁଥିଲେ। ମାହାଙ୍ଗା ଜଳେଶ୍ବରପୁର ପଞ୍ଚାୟତ ୧୧ ନମ୍ବର ବୁଥରେ ନିଜ ପରିବାର ସହ ମତଦାନ କରିଛନ୍ତି। ପ୍ରତାପ ଜେନାଙ୍କ ସହ ସ୍ତ୍ରୀ ଡେଜି ଜେନା, ପୁଅ ଅଙ୍କିତ ଏବଂ ଝିଅ ଐଶ୍ୱର୍ଯ୍ୟା ମଧ୍ୟ ଭୋଟ ଦେଇଛନ୍ତି। ମନ୍ତ୍ରୀଙ୍କ ବ୍ୟକ୍ତିଗତ ସହାୟକ ଉମାଶଙ୍କର ବିଶ୍ୱାଳ ମଧ୍ୟ ଏହି କେନ୍ଦ୍ରରେ ନିଜର ଭୋଟ ଦେଇଛନ୍ତି।