ସଜନାଗଡ଼,୧୬।୮(ଡି.ଏନ୍.ଏ.): ବାଲେଶ୍ୱର ଜିଲା ନୀଳଗିରି ବ୍ଲକ ଅଧୀନ ବେଗୁନିଆ ପଞ୍ଚାୟତ ତୁଟାପଡ଼ା ଗ୍ରାମର ଜଣେ ବ୍ୟକ୍ତିଙ୍କ ଘରେ ଶୁକ୍ରବାର ଭୋଜି ଖାଇ ୨୪ରୁ ଊର୍ଦ୍ଧ୍ୱ ଲୋକ ନୀଳଗିରି ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି ହୋଇଛନ୍ତି। ତେବେ ସେମାନଙ୍କ ମଧ୍ୟରେ ୫ ଜଣ ଶିଶୁଥିବା ଜଣାପଡ଼ିଛି। ଏହା ସହ ଜଣଙ୍କ ସ୍ବାସ୍ଥ୍ୟାବସ୍ଥା ଗୁରୁତର ହେବାରୁ ତାଙ୍କୁ ଜିଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି।
ସୂଚନାଯୋଗ୍ୟ, କରୋନା କଟକଣା ସତ୍ତ୍ୱେ ଉକ୍ତ ଗ୍ରାମରେ ଶୁକ୍ରବାର ମଧ୍ୟାହ୍ନରେ ଜଣେ ବ୍ୟକ୍ତି ଭାତ ଓ ଚିକେନ୍ ଖାଇବାକୁ ଦେଇଥିଲେ। ସେଠାରେ ୧୦୦ ଲୋକ ଖାଇକି ଆସିବା ପରେ ଶନିବାର ଅପରାହ୍ନରେ ଜର, ଝାଡା ବାନ୍ତି ହୋଇଥିଲା। ସୋନଙ୍କ ମଧ୍ୟରୁ ୨୪ ଜଣରୁ ଊର୍ଦ୍ଧ୍ୱ ଲୋକଙ୍କୁ ନୀଳଗିରି ଚିକିତ୍ସାଳୟରେ ଭର୍ତ୍ତି କରାଯାଇଥିଲା। ରାତିରେ ସେଠାରେ ବିଧାୟକ ଇ ସୁକାନ୍ତ କୁମାର ପହଞ୍ଚିଥିଲେ। ପରେ ଏ ନେନଇ ଜିଲାପାଳଙ୍କୁ ଜଣାଇଥିଲେ। ରାତିରେ ବାଲେଶ୍ୱର ମେଡିକାଲ ଓ ବରହମପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରୁ ସ୍ବାସ୍ଥ୍ୟ ସେବା ଯୋଗାଇ ଦେବା ପାଇଁ ପବ୍ଲିକ ହେଲଥ୍ ଟିମ ଉକ୍ତ ଗ୍ରାମରେ ପହଞ୍ଚିବା ସହ ୬୭ରୁ ଊଦ୍ଧର୍ବ ଲୋକଙ୍କୁ ସେବା ଯୋଗାଇଛନ୍ତି।