ବ୍ରହ୍ମପୁର ଅଫିସ,୧୯ା୯:ବ୍ରହ୍ମପୁର ବଡ଼ ଡାକ୍ତରଖାନା ଆଶୁ ଚିକିତ୍ସା ବିଭାଗରେ ଚିକିତ୍ସାଧୀନ ଥିବା ଜଣେ ରୋଗୀ ରବିବାର ନିଖୋଜ ହୋଇଯାଇଛନ୍ତି। ଏ ନେଇ ତାଙ୍କ ପୁଅ ବୈଦ୍ୟନାଥପୁର ଥାନାରେ ଅଭିଯୋଗ କରିଛନ୍ତି। ପୋଲିସ ନିଖୋଜଙ୍କ ଫଟୋ ଜାରି କରିବା ସହ ଘଟଣାର ତଦନ୍ତ ଆରମ୍ଭ କରିଛି।
କବିସୂର୍ଯ୍ୟନଗର ଅଞ୍ଚଳର ବୃନ୍ଦାବନ ମଲ୍ଲିକ(୭୫) ୧୭ ତାରିଖରେ ଆଶୁ ଚିକିତ୍ସା ବିଭାଗରେ ଭର୍ତ୍ତି ହୋଇଥିଲେ । ହେଲେ ୧୮ ତାରିଖ ଦିନବେଳେ ସେ ଶଯ୍ୟା ଛାଡି କେଉଁଆଡେ ଚାଲିଯାଇଥିଲେ। ବହୁ ଖୋଜାଖୋଜି ପରେ ବୃନ୍ଦାବନଙ୍କୁ ନ ପାଇ ତାଙ୍କ ପୁଅ ବଡ ଡାକ୍ତରଖାନା ଫାଣ୍ଡି ପୁଲିସକୁ ଜଣାଇଥିଲେ। ଏ ନେଇ ବୈଦ୍ୟନାଥପୁର ଥାନାରେ ଏକ ନିଖୋଜ ମାମଲା ରୁଜୁ ହୋଇଛି।
