ସୋସିଆଲ ମିଡିଆରେ ବିଭିନ୍ନ ପ୍ରକାରର ଭିଡିଓ ଭାଇରାଲ ହୋଇଥାଏ। ସେଥି ମଧ୍ୟରୁ କେତେକ ଭିଡିଓ ହୃଦୟ ଜିଣିନିଏ। ଆଜିକାଲି ସେମିତି ଏକ ଭିଡିଓ ଭାଇରାଲ ହେଉଛି। ଏହି ଭିଡିଓ ଦେଖିବା ପରେ ଜଣେ ବନ୍ଧୁଙ୍କ ପ୍ରତି କେତେ ବିଶ୍ୱସ୍ତ ସେ ସମ୍ପର୍କରେ ଜାଣିପାରିବେ। ମଣିଷ ତ ମଣିଷ ଗୋଟିଏ ପକ୍ଷୀ କିପରି ନିଜ ବନ୍ଧୁ ପାଇଁ କେତେ ଦରଦୀ ଆଉ ବ୍ୟାକୁଳ ତାହା ଏକ ଭିଡିଓରୁ ଜଣାପଡ଼ିଛି।
ଭିଡିଓଟିକୁ ବନ ଅଧିକାରୀ ପ୍ରବୀଣ କାସଓ୍ବାନ ତାଙ୍କ ଟୁଇଟର ପେଜ୍ରେ ଶେୟାର କରିଛନ୍ତି। ଭିଡିଓରେ ଏକ ମୟୂର ଦୁନିଆ ଛାଡ଼ିବା ପରେ ଅନ୍ତିମ ଯାତ୍ରାରେ ସାଥୀଙ୍କୁ ଅନୁସରଣ କରୁଛି ଆଉ ଏକ ଭିଡିଓ। ଏହି ଭିଡିଓରୁ ଜାଣିବେ ପୃଥିବୀର ଅଧିକାଂଶ ପ୍ରାଣୀଙ୍କର ସମାନତା ରହିଛି। ମୟୂରର ଯନ୍ତ୍ରଣା ଦେଖିଲେ ଆପଣ ମଧ୍ୟ ଭାବବିହ୍ବଳ ହୋଇଯିବେ। କାରଣ ମୟୂରଟି ତା’ର ସାଥୀ ମୟୂରକୁ ଶେଷ ବିଦାୟ ଜଣାଇବା ପାଇଁ ପଛେ ପଛେ ଗୋଡ଼ାଉଛି।
ଭିଡିଓରେ ଦୁଇ ଜଣ ଯୁବକ ମୃତ ମୟୂରକୁ ବୋହି ନେଉଛନ୍ତି। ଆଉ ଏକ ମୟୂର ତାଙ୍କ ପଛେ ପଛେ ଦୌଡ଼ୁଛି। ଯୁବକମାନେ ଯେଉଁଆଡ଼େ ଯାଉଛନ୍ତି, ମୟୂର ମଧ୍ୟ ତାଙ୍କ ପଛରେ ସେହି ଦିଗରେ ଅନୁସରଣ କରୁଛି। ସେ ହୁଏତ ମଣିଷ ପରି ନିଜର ଦୁଃଖ ପ୍ରକାଶ କରିପାରୁନାହିଁ କିନ୍ତୁ ତା’ ସାଥୀ ଯେ, ତାକୁ ଏକା କରି ଚାଲିଯାଉଛି ଏହି ଦୁଃଖରେ ସେ ମୟୂରକୁ ଛାଡ଼ିବାକୁ ରାଜି ନୁହଁ। ଖାସ୍ କରି ତା’ ପଛେ ପଛେ ଗୋଡ଼ାଉଛି।
ଏହି ଭିଡିଓଟି ଶେୟାର କରି @ ବିଷ୍ଣୋଇ ଅଫିସିଆଇ ଲେଖିଛନ୍ତି,‘ସାଥୀକୁ ଛାଡ଼ି ସେ ସ୍ବର୍ଗକୁ ଯାଇଛନ୍ତି। ମୟୂରର ଏହି ଦୃଶ୍ୟ ଦେଖିବା ପରେ ସମସ୍ତେ ଭାବପ୍ରବଣ ହୋଇଯାଇଛନ୍ତି। ପକ୍ଷୀ ସତ୍ତ୍ୱେ ବନ୍ଧୁ ଅଲଗା ହେବାର ଯନ୍ତ୍ରଣା ସହିପାରୁନାହିଁ। ଶ୍ମଶାନ ପର୍ଯ୍ୟନ୍ତ ଦୌଡୁଛି ମୟୂର। ଅଧିକାଂଶ ଲୋକ ମୟୂରର ପ୍ରେମ ଭାବନାକୁ ପ୍ରଶଂସା କରିଛନ୍ତି।