ରାଇକିଆ,୧ା୨(ପ୍ରଦୀପ ବେହେରା): ପେନ୍ସନ୍ ପାଇଁ ପୂର୍ବ ଭଳି ଆଉ କୌଣସି କର୍ମଚାରୀ ହଇରାଣ ହେବେନି। ଏହାକୁ ଦୃଷ୍ଟିରେ ରଖି ସରକାରୀ କର୍ମଚାରୀଙ୍କ ଅବସର ଦିନ ହିଁ ପେନ୍ସନ୍ ମିଳିବାର ବ୍ୟବସ୍ଥା ସରକାର କରିଛନ୍ତି। ରାଇକିଆ ବ୍ଲକ ଗୋଷ୍ଠୀ ଶିକ୍ଷା ଅଧିକାରୀ ହାଡ଼ିବନ୍ଧୁ ବେହେରାଙ୍କ ପ୍ରୟାସରେ ରାଇକିଆ ବ୍ଲକରେ ପ୍ରଥମଥର ପାଇଁ ଶୁକ୍ରବାର ଅବସର ଗ୍ରହଣ କରିଥିବା ଚୂନପଲ୍ଲୀ ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନଶିକ୍ଷକ ସଞ୍ଜୀବ ନାୟକଙ୍କୁ ଅବସର ଦିନ ହିଁ ଫାଇନାଲ ପେନ୍ସନ୍ ପ୍ରଦାନ କରାଯାଇଛି। ଗୋଷ୍ଠୀ ଶିକ୍ଷା ଅଧିକାରୀଙ୍କ କାର୍ଯ୍ୟାଳୟରେ ଗୋଷ୍ଠୀ ଶିକ୍ଷାଧିକାରୀଙ୍କ ସମେତ ଅତିରିକ୍ତ ଗୋଷ୍ଠୀ ଶିକ୍ଷାଧିକାରୀ ସାରଥୀ କହଁରଙ୍କ ଉପସ୍ଥିତିରେ ଅବସରକାଳୀନ ଶୁଭେଚ୍ଛା ଜଣାଇବା ସହ ପେନ୍ସନ୍ ପ୍ରଦାନ କରାଯାଇଥିଲା।
