ଯୋଡ଼ା,୧୮ା୩(ଡି.ଏନ.ଏ.) କେନ୍ଦୁଝର ଜିଲା ଯୋଡ଼ା ବ୍ଲକ ବଡ଼କାଳିମାଟି ପଞ୍ଚାୟତର ଦୁବୁନା ଠାରେ ଥିବା ଆସେର୍ର୍ଲର୍ ମିତ୍ତଲ ନିପନ ଷ୍ଟିଲ କମ୍ପାନୀ ଖଣିରୁ ଟ୍ରକ ଯୋଗେ ଖଣିଜ ପଦାର୍ଥ ପରିବହନ ଯୋଗୁଁ ନୟାଗଡ଼ରୁ କାଳିମାଟି ପର୍ଯ୍ୟନ୍ତ ରାସ୍ତା ଜାମ ହୋଇଥିଲା। ଏଥିରେ ସ୍କୁଲ ବସ ଫଶିି ରହିବାରୁ ଛାତ୍ରୀଛାତ୍ର ମାନେ ପରୀକ୍ଷାରୁ ବଞ୍ଚିତ ହୋଇଥିଲେ। ଏହାର ପ୍ରତିବାଦରେ ସେମାନେ କମ୍ପାନୀ ଫାଟକ ସମ୍ମୁଖରେ ଧାରଣାରେ ବସି ଥିଲେ।
ରାସ୍ତା ମରଣଯନ୍ତା ଯୋଗୁ ପ୍ରତିଦିନ ଏଠାରେ ପ୍ରବଳ ଜାମ ଲାଗି ରହୁଥିବା କାରଣରୁ ସାଧାରଣ ଲୋକ, ଆମ୍ବୁଲାନ୍ସ ଓ ସ୍କୁଲ ବସ୍ ଯିବା ଅସମ୍ଭବ ହୋଇ ପଡ଼ୁଛି। ଗୁରୁବାର କେତେକ ସ୍ଥାନୀୟ ଛାତ୍ରୀଛାତ୍ରଙ୍କର ବାମେବାରୀ ଶିଶୁ ମନ୍ଦିରରେ ପରୀକ୍ଷା ଥିବା ବେଳେ, ରାସ୍ତାରେ ଜାମ ଲାଗିଥିବା କାରଣରୁ ସେମାନେ ଠିକ ସମୟରେ ସ୍କୁଲରେ ପହଞ୍ଚି ନ ପାରିବା କାରଣରୁ ପରୀକ୍ଷା ଦେବାରୁ ବଞ୍ଚିତ ହୋଇଥିଲେ। ଫଳରେ, ବାଧ୍ୟ ହୋଇ ସେମାନେ ଉକ୍ତ କମ୍ପାନୀ ସମ୍ମୁଖରେ ଧାରଣାରେ ବସି ରହିଥିଲେ। ଧାରଣାସ୍ଥଳରେ କିଛି ଅଭିଭାବକ ମାନେ ମଧ୍ୟ ଉପସ୍ଥିତ ଥିଲେ। ବସନ୍ତପୂର ନଈବୁଗା ଅଞ୍ଚଳର ଅଭିଭାବକ ପ୍ରଫୁଲ୍ଲ ତନ୍ତୀ ତାଙ୍କ ପ୍ରତିକ୍ରିୟାରେ କହିଛନ୍ତି ଯେ, ଉକ୍ତ କମ୍ପାନୀ ଦୀର୍ଘ ଦିନ ହେବ ୫କି.ମି. ବ୍ୟାପୀ ରାସ୍ତାରେ ପାର୍କିଂ କରି ନିଜ କବ୍ଜାରେ ରଖିଛି। ଯାହା ଫଳରେ ଗାଡ଼ି ଗୁଡ଼ିକ ଚଳାଚଳ କରି ପାରୁନାହିଁ। ଛାତ୍ରୀଛାତ୍ର ମାନେ ରାସ୍ତା ଜାମ ଯୋଗୁ ସ୍କୁଲ ବସ୍ରେ ଯାଇ ନ ପାରି ପରୀକ୍ଷାରୁ ବଞ୍ଚିତ ହୋଇଛନ୍ତି। ସେମାନଙ୍କର ଭବିଷ୍ୟତ ଅନ୍ଧକାର ହେଉଥିବାରୁ ଏଥିପାଇଁ କିଏ ଦାୟୀ ହେବେ ବୋଲି ପ୍ରଶ୍ନ କରିଥିେଲେ। ପରବର୍ତ୍ତୀ ସମୟରେ କମ୍ପାନୀ କର୍ତ୍ତୃପକ୍ଷ ପ୍ରତିଶ୍ରୁତି ଦେବା ପରେ ଛାତ୍ରୀଛାତ୍ର ଧାରଣରୁ ଉଠିଥିଲେ।