ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେଉଛି, ଯାହା ଦେଖି ଲୋକେ ଭୟରେ ଥରି ଉଠୁଛନ୍ତି। ଭିଡିଓଟି ଉତ୍ତରପ୍ରଦେଶର। ଏଥିରେ ଦେଖିବାକୁ ମିଳିଛି, ଜଣେ ଯୁବକ ଲେଭଲ କ୍ରସିଂ ପାରି ହେଉଥିବା ବେଳେ ତାଙ୍କ ବାଇକ୍ଟି ଖସି ପଡ଼ିଛି। ଠିକ୍ ଏହି ସମୟରେ ଏକ ଟ୍ରେନ୍ ଦ୍ରୁତ ଗତିରେ ମାଡ଼ିଆସୁଛି। ଆଉ ତାଙ୍କ ବାଇକ୍କୁ କିଛି ଦୂର ଘୋଷାରି ନେଇଯାଉଛି। ଟ୍ରେନ ଧକ୍କାରେ ବାଇକ୍ଟି ଖଣ୍ଡ ଖଣ୍ଡ ହୋଇଯାଇଛି। ତେବେ ସୌଭାଗ୍ୟର ବିଷୟ ଯୁବକ ଜଣକ ଅଳ୍ପକେ ବଞ୍ଚି ଯାଇଛନ୍ତି।
ଭିଡିଓଟି ବର୍ତ୍ତମାନ ସୋସିଆଲ ମିଡିଆରେ ତୀବ୍ର ଗତିରେ ଭାଇରାଲ ହେଉଛି। ଭିଡିଓ ଦେଖି ୟୁଜରମାନେ ନାନା ପ୍ରତିକ୍ରିୟା ଦେଇଛନ୍ତି। କିଛି ଲୋକ କହିଛନ୍ତି ବାଇକ୍ ଖଣ୍ଡ ବିଖଣ୍ଡିତ ହେଲା କିଛି ନାହିଁ ନିମିଷକରେ ଯୁବକଙ୍କ ଜୀବନ ଚାଲି ଯାଇଥାନ୍ତା। ଭଗବାନଙ୍କୁ ଧନ୍ୟବାଦ।
