ପ୍ରତ୍ୟେକ ଦେଶରେ ନିଜସ୍ବ ଟ୍ରାଫିକ ନିୟମ ରହିଛି। ଯଦି ଏହା ଦେଶର ଏକ ବଡ଼ ସହର ହୋଇଥାଏ ତେବେ ଏଥିପ୍ରତି ଅଧିକ ଧ୍ୟାନ ଦିଆଯାଇଥାଏ। ସେହିପରି ଏକ ଦେଶ ହେଉଛି ଅଷ୍ଟ୍ରେଲିଆ। ଏହାକୁ ବିଚିତ୍ର ଦେଶ କୁହାଯାଏ। ଏବେ ଏକ ଅଜବ ଫଟୋ ସୋସିଆଲ ମିଡିଆରେ ଭାଇରାଲ ହୋଇଛି। ଯାହାକି ଅଷ୍ଟ୍ରେଲିଆର Dash Cam Owners ନାମକ ଏକ ଫେସ୍ବୁକ୍ ପେଜ୍ରେ ଶେୟାର କରାଯାଇଛି। ଏହି ଫଟୋରେ ଦେଖିବାକୁ ମିଳିଛି ଏକ କାର୍ର ଛାତରେ ୧୦ରୁ ଅଧିକ ସାଇକେଲ ରଖାଯାଇଛି। ଫଟୋରେ ବର୍ତ୍ତମାନ ସୁଦ୍ଧା ୨୫୦୦ ହଜାରରୁ ଅଧିକ କମେଣ୍ଟ ଆସିଥିବା ବେଳେ ଏପର୍ଯ୍ୟନ୍ତ ପ୍ରାୟ ୧ ହଜାର ଲୋକ ସୋସିଆଲ ମିଡିଆରେ ଶେୟାର କରିଛନ୍ତି।
ଫଟୋ ଦେଖିବା ପରେ ଅନେକ ଲୋକ ସେଠାରେ ଥିବା ସଡ଼କ ନିୟମ ଉପରେ ପ୍ରଶ୍ନ ଉଠାଇଛନ୍ତି। କାର୍ର ଛାତ ଉପରେ ଏତେ ସଂଖ୍ୟକ ସାଇକେଲ କିପରି ଯାଇପାରୁଛି? ତେବେ କେହି କାହିଁକି ତାଙ୍କୁ ଅଟକାଇଲେ ନାହିଁ। ଜଣେ ଉପଭୋକ୍ତା ମଜାଳିଆ ମନ୍ତବ୍ୟ ଦେଇ ଲେଖିଛନ୍ତି, କାର୍ର ଛାତରେ କେତେ ସାଇକେଲ ଅଛି ତାହା କୁହନ୍ତୁ। ଆଉ ଜଣେ ଲେଖିଛନ୍ତି, ଯେତେବେଳେ ଏହି କାର୍ ମାଟିତଳେ ପଶିଯିବ ସେତେବେଳେ ଜାଣିବେ।
