କେନ୍ଦୁଝର, ୨୦।୧ (ସ୍ବ.ପ୍ର.): ମୋବାଇଲରେ ଥିବା ଏକ ଲୋନ ଆପରେ ଲୋଭନୀୟ ଅଫର ପାଇ ଜଣେ ବ୍ୟକ୍ତି ଠକାମୀର ଶୀକାର ହୋଇଥିବା ଅଭିଯୋଗ ହୋଇଛି। ସେ ହେଉଛନ୍ତି ଜଣେ ଫାର୍ମାଶିଷ୍ଟ। ତାଙ୍କ ନାମ ମନୋରଞ୍ଜନ ମହାନ୍ତ। ଉକ୍ତ ଆପ ସୁବିଧାରେ ଋଣ ପାଇବା ନେଇ ଅଫର ଆସିଥିଲା। ଏଣୁ ସେ ଉକ୍ତ ଆପ ମାଧ୍ୟମରେ ଋଣ ପାଇବାକୁ ଆବେଦନ କରିଥିଲେ। ଗତ ୧୪ ତାରିଖରେ ସେ ଜିଏସଟି, ଇନସ୍ୟୁରାନ୍ସ, ଟିଡିଏସ ବାବଦକୁ ଥର ଥର କରି ଫୋନ ପେ ମାଧ୍ୟମରେ ୬୬,୭୪୮ ଟଙ୍କା ଜମା କରିଥିଲେ ବୋଲି ଅଭିଯୋଗ ହୋଇଛି । ଏହା ପରେ ଋଣ ନ ମିଳିବାରୁ ତାଙ୍କର ସନ୍ଦେହ ହେଲା। ସେ ସାଇବର ଠକେଇ ହୋଇଥିବା ଜାଣିବା ପରେ କେନ୍ଦୁଝର ଆରକ୍ଷୀ ଅଧୀକ୍ଷକଙ୍କ କାର୍ଯ୍ୟାଳୟ ପରିସରରେ ଖୋଲିଥିବା ସାଇବର ଥନାରେ ଅଭିଯୋଗ କରିଥିଲେ। ଅଭିଯୋଗ ପରେ ସାଇବର ଥାନାରେ ଏକ ମାମଲା (ନଂ.୧୬/୨୨) ରୁଜୁ ହୋଇଥିବା ଇନ୍ସପେକ୍ଟର ପି.କେ.ସାହୁ ପ୍ରକାଶ କରିଛନ୍ତି।