ସଙ୍ଗୀତରେ ଏମିତି ଯାଦୁ ଥାଏ ଯାହା ସବୁ ଦୁଃଖ ଭୁଲେଇପାରେ, ମନରେ ପ୍ରେମର ଫୁଆରା ବି ସୃଷ୍ଟି କରିପାରେ ା ସେଇଥିପାଇଁ ତ ସୁମଧୁର ସଙ୍ଗୀତର ପ୍ରେମରେ ସମସ୍ତେ ପଡନ୍ତି ା ତା’ସହ ତାକୁ ଗାଉଥିବା ତଥା ଗୀତକୁ ଅଧିକ ଲାଳିତ୍ୟଭରା କରୁଥିବା ବାଦ୍ୟକାରଙ୍କୁ ସମସ୍ତେ ଭଲପାଆନ୍ତି ା ହେଲେ ଜାଣନ୍ତିକି କିଛି ପ୍ରାଣୀ ବି ଖୁବ୍ ସୁନ୍ଦରଭାବେ ବାଦ୍ୟ ବଜାଇ ପାରନ୍ତି ା ବିଶ୍ୱାସ ନ ଲାଗିଲେ ବି ଆମେରିକାର ଏକ ଟାଲେଣ୍ଟ ହଣ୍ଟ୍ ଶୋ’ରେ ଦେଖିବାକୁ ମିଳିଛି ଏହାର ଝଲକ, ଯେଉଁଠି ଏକ କୁକୁଡ଼ା ପିଆନୋ ବଜାଇ ସମସ୍ତଙ୍କୁ ମନ୍ତ୍ରମୁଗ୍ଧ କରିଦେଇଥିଲା ା ତେବେ ଯେତେବେଳେ ଉକ୍ତ ଶୋ’କୁ ଜଣେ ବ୍ୟକ୍ତି ଏକ କୁକୁଡ଼ା ଆଣି କହିଲେ ସେ ପିଆନୋ ବଜାଇବ, କେହି ବି ବିଶ୍ୱାସ କରି ନ ଥିଲେ, ବରଂ ହସିଥିଲେ ା ଜଜ୍୍ମାନେ କହିଲେ ଏହା କିପରି ସମ୍ଭବ? ହେଲେ ଯେବେ ଅନୁମତି ମିଳିଲା କୁକୁଡାଟି ଦେଖାଇଥିଲା ତା’ର କମାଲ। ବଜାଇଥିଲା ଏତେ ଲାଳିତ୍ୟଭରା ଧୁନ୍, ଯାହା ସମସ୍ତଙ୍କୁ ବାଧ୍ୟ କରିଥିଲା ନିଜ ସ୍ଥାନରୁ ଉଠି ଠିଆ ହୋଇ କରତାଳି ମାରିବାକୁ।