ଥିରୁଭାନନ୍ତପୁରମ୍,୩୦।୧୦: ଭାଜପାର ଅଧ୍ୟକ୍ଷ ଜେପି ନଡା ସୋମବାର କେରଳ ମୁଖ୍ୟମନ୍ତ୍ରୀ ପିନାରାୟ ବିଜୟନ୍ଙ୍କ ଉପରେ ବର୍ଷିଛନ୍ତି। କଠୋରପନ୍ଥୀଙ୍କ ଉପରେ ପିନାରାଇ ସରକାରଙ୍କ ନରମ ମନୋଭାବ ଯୋଗୁ କେରଳରେ ବୋମା ବିସ୍ଫୋରଣ ଘଟୁଛି ବୋଲି ନଡା ଅଭିଯୋଗ କରିଛନ୍ତି।
ନ୍ୟାଶନାଲ ଡେମୋକ୍ରାଟିକ ଆଲାଏନ୍ସ (ଏନଡିଏ) ରାଲିରେ ନଡା କହିଛନ୍ତି, ଯେତେବେଳେ ହମାସର ଜଣେ ନେତା କେରଳରେ ଆୟୋଜିତ ଏକ ଡିଜିଟାଲ ବୈଠକକୁ ସମ୍ବୋଧିତ କରିଥିଲେ, ସେତେବେଳେ ବାମ ସରକାର ଏକ ନୀରବ ଦର୍ଶକ ସାଜି ରହିଥିଲେ। ସରକାରଙ୍କ ଭୁଲ ପରିଚାଳନା ଯୋଗୁ ଏହା ସମ୍ଭବ ହୋଇଥିଲା।
ରବିବାର କୋଚି ନିକଟ କଲାମସେରିସ୍ଥିତ ଏକ କନଭେନଶନ ସେଣ୍ଟରରେ ବିସ୍ଫୋରଣ ଘଟିଥିଲା। ଏହି ବିସ୍ଫୋରଣରେ ଦୁଇ ଜଣଙ୍କର ମୃତ୍ୟୁ ହୋଇଥିବା ବେଳେ ୬୦ ଜଣ ଆହତ ହୋଇଛନ୍ତି।
ଜେପି ନଡା କହିଛନ୍ତି, କେରଳ କୋଅପରେଟିଭ ବ୍ୟାଙ୍କ ସ୍କାମରେ ପିନାରାୟ ବିଜୟନ୍ ସରକାର ଜଡିତ ଅଛନ୍ତି। ମନ୍ତ୍ରୀ ଏବଂ ପୂର୍ବତନ ମନ୍ତ୍ରୀଙ୍କ ସମେତ ଅନେକ ଲୋକ ଏଥିରେ ସାମିଲ ଅଛନ୍ତି। ଏହି କାରଣରୁ ଅନେକ ଲୋକଙ୍କୁ ଆର୍ଥିକ ସମସ୍ୟାର ସମ୍ମୁଖୀନ ହେବାକୁ ପଡୁଛି। ଆମେ ସମସ୍ତେ ଏଠାରେ ଏକତ୍ରିତ ହୋଇ ପିନାରାଇ ବିଜୟ ସରକାରଙ୍କ ଭୁଲ ପରିଚାଳନା, ବର୍ତ୍ତମାନର ପ୍ରଶାସନରେ ପ୍ରଚଳିତ ଦୁର୍ନୀତି ବିଷୟରେ ଆଲୋଚନା କରିବା ପାଇଁ ଏକତ୍ରିତ ହୋଇଛୁ। ଆମର ସାମୂହିକ ଲକ୍ଷ୍ୟ ହେଉଛି କେରଳରେ ସମୃଦ୍ଧତା, ବିକାଶ ଏବଂ ଉତ୍ତମ ଶାସନ ଆଣିବା ପାଇଁ ଆମର ପ୍ରୟାସରେ ଏକତା ପ୍ରଦର୍ଶନ କରିବା।