କେସିଙ୍ଗା,୬ା୬(ତୁମେଶ୍ୱର ସାହୁ): କଳାହାଣ୍ଡି ଜିଲା କେସିଙ୍ଗା ବ୍ଲକସ୍ଥିତ ଉତ୍କେଲା ଏୟାରପୋର୍ଟରୁ ସାବିତ୍ରୀ ଆମାବାସ୍ୟା ଉପଲକ୍ଷେ ରାୟପୁରକୁ ଉଡ଼ିଛି ବିମାନ। ଗୁରୁବାର ଏୟାର ଓ୍ବାନ ଇଣ୍ଡିଆ ପକ୍ଷରୁ ରାୟପୁରକୁ ଏହି ବିମାନ ଯାତ୍ରା କରିଛି। ଉକ୍ତ କାର୍ଯ୍ୟକ୍ରମରେ ଜୁନାଗଡ଼ ବିଧାୟକ ତଥା କ୍ୟାପ୍ଟେନ ଦିବ୍ୟଶଙ୍କର ମିଶ୍ର ମୁଖ୍ୟ ଅତିଥି ଭାବେ ଯୋଗ ଦେଇ ଏହି ଉଡ଼ାଣ କାର୍ଯ୍ୟକ୍ରମ୍କୁ ଉଦ୍ଘାଟନ କରିଥିଲେ। ଏଥିରେ ଉତ୍କେଲା ଏୟାରପୋର୍ଟ ଡାଇରେକ୍ଟର ନିରଞ୍ଜନ ପଟ୍ଟନାୟକଙ୍କ ସମେତ ଅନ୍ୟାନ୍ୟ କର୍ମଚାରୀ ଉପସ୍ଥିତ ଥିଲେ। ଉତ୍କେଲାରୁ ସକାଳ ସାଢ଼େ ୯ଟାରେ ଛାଡ଼ିବ,ରାୟପୁରରୁ ୧୦.୫୫ ମିନିଟ୍ରେ ଉତ୍କେଲା ଅଭିମୁଖେ ଯାତ୍ରା କରିବ। ପ୍ରତ୍ୟେକ ଗୁରୁବାର ସାପ୍ତାହିକ ଚାଲିବ ବୋଲି ଜଣାପଡ଼ିଛି।