ଆକାଶରେ ୯ ଘଣ୍ଟା ଉଡ଼ିଲା ବିମାନ, କେଉଁଠି କଲାନି ଅବତରଣ, କାରଣ ଜାଣିଲେ…
05 ନ୍ୟୁୟର୍କ,୧୩ା୬: ଭାବନ୍ତୁ ଆପଣ ଆପଣଙ୍କ ସମ୍ପର୍କୀୟଙ୍କ ଘରକୁ ବିମାନ ଯୋଗେ ଯାଉଛନ୍ତି। ସେଠାକୁ ଯିବା ଆପଣଙ୍କ ପାଇଁ ବହୁତ ଜରୁରୀ ଅଟେ। ସମ୍ପର୍କୀୟଙ୍କ ପାଇଁ ବହୁତ ଜିନିଷ ମଧ୍ୟ ନେଇ ଯାଉଥିବେ। ମାତ୍ର ଯଦି ଆପଣ ବିମାନରେ ୯ ଘଣ୍ଟା ରହେିବ ଆଉ ୭୦୦୦ କିଲୋମିଟର ଯାତ୍ରା କରିବେ ତେବେ କିପରି ଅନୁଭବ କରିବେ? ଓହ୍ଲାଇବାକୁ ଚାହୁଁଥିଲେ ମଧ୍ୟ ପାରିବେ ନାହିଁ। ନିକଟରେ ବ୍ରିଟିଶ ଏୟାରଓ୍ବେଜ ଯାତ୍ରୀଙ୍କ ସହ ସମାନ ଘଟଣା ଘଟିଛି। ଏହି ବିମାନରେ ୩୦୦ ଯାତ୍ରୀ ଥିଲେ। ୯ ଘଣ୍ଟା ଧରି ଉକ୍ତ ବିମାନ ଆକାଶରେ ଉଡ଼ିଥିଲା। ମାତ୍ର କେଉଁଠି ବି ଅବତରଣ କରି ନଥିଲା। ଶେଷରେ ଯେଉଁଠାରୁ ଉଡ଼ାଣ କରିଥିଲା, ସେଠାକୁ ଫେରି ଆସିଥିଲା।
ଏକ ରିପୋର୍ଟ ଅନୁଯାୟୀ, ସୋମବାର ସକାଳେ ବ୍ରିଟିଶ ଏୟାରଓ୍ବେଜ୍ ବିମାନ ୧୯୫ ଲଣ୍ଡନରୁ ଆମେରିକାର ହ୍ୟୁଷ୍ଟନକୁ ଯାଉଥିଲା। ଏହି ଯାତ୍ରା ୧୦ ଘଣ୍ଟା ୨୦ମିନିଟ୍ ନେଇଥାଏ। ବୋଇଙ୍ଗ ୭୮୭-୯ ଡ୍ରିମଲିନର୍ ବିମାନ ଲଣ୍ଡନରୁ ବିମାନ ଉଡ଼ାଣ କରିଥିଲା। ୯ ଘଣ୍ଟା ଧରି ଉଡ଼ିଥିଲା। ସେ ନ୍ୟୁଫାଉଣ୍ଡଲାଣ୍ଡ ଉପକୂଳରେ ପହଞ୍ଚିଥିଲା। ଏହି ସମୟରେ ବିମାନଟି ସମଗ୍ର ଆଟ୍ଲାଣ୍ଟିକ ମହାସାଗର ପାର୍ ହୋଇ ଯାଇଥିଲା। ମାତ୍ର ହଠାତ୍ ବିମାନଟି ପାଇଲଟଙ୍କ ଦ୍ୱାରା ଫେରି ଆସିଥିଲା। ସାମାନ୍ୟ ବୈଷୟିକ ତ୍ରୁଟି ହେତୁ ବିମାନକୁ ଡାଇଭର୍ଟ କରାଯାଉଥିବା କୁହାଯାଇଥିଲା।
ଏହା ପରେ ବିମାନଟି ପୁଣିଥରେ ସମଗ୍ର ଆଟ୍ଲାଣ୍ଟିକ ମହାସାଗର ପାର ହୋଇ ଲଣ୍ଡନରେ ପହଞ୍ଚିଲା। ବିମାନଟି ପ୍ରାୟ ୭୦୦୦ କିଲୋମିଟର ଦୂର ଯାତ୍ରା କରିଥିଲା। ବିମାନରେ ଥିବା ୩୦୦ ଯାତ୍ରୀ ନିରାଶ ହୋଇ ଫେରିଥିଲେ। ପରେ ସେମାନେ ନିଜ ନିଜର ଗନ୍ତବ୍ୟସ୍ଥଳକୁ ଯାତ୍ରା କରିଥିଲେ। ତେବେ ବିମାନଟି ସୁରକ୍ଷିତ ଭାବେ ଅବତରଣ କରିଥିଲା।
ବିମାନ ସେବା ଏହି ସମସ୍ୟା ବିଷୟରେ ଉଲ୍ଲେଖ କରିନାହିଁ କିନ୍ତୁ ଜେଟ୍ର ଇଞ୍ଜିନରେ ତ୍ରୁଟି ଥିବା ସୂତ୍ରରୁ ପ୍ରକାଶ। ସେହି କାରଣରୁ, ବିମାନର ଏହି ଉଡ଼ାଣରେ କୌଣସି ଅସୁବିଧା ହେବ ନାହିଁ, ଏହା ଆମେରିକାରେ ପହଞ୍ଚିଥାନ୍ତା, କିନ୍ତୁ ପରବର୍ତ୍ତୀ ସମୟରେ ଅସୁବିଧା ହୋଇପାରେ, ତେଣୁ ବିମାନ ଫେରିଯିବା ଭଲ ବୋଲି ପାଇଲଟ ଚିନ୍ତା କରି ଫେରାଇ ଆଣିଥିଲେ।
ବିମାନ ସେବା କହିଛି, ସେମାନେ ଯାତ୍ରୀମାନଙ୍କୁ କ୍ଷମା ମାଗିଛନ୍ତି ଏବଂ ପରବର୍ତ୍ତୀ ବିମାନରେ ବୁକିଂ ଯୋଗାଇ ଦେଇଛନ୍ତି, ସେମାନଙ୍କୁ ରହିବା ସୁବିଧା ମଧ୍ୟ ପ୍ରଦାନ କରିଛନ୍ତି ଏବଂ ସେମାନଙ୍କ ଦ୍ୱାରା ହୋଇଥିବା କୌଣସି କ୍ଷତି ପାଇଁ ସେମାନଙ୍କୁ ଫେରସ୍ତ କରିବାକୁ ମଧ୍ୟ ନିଶ୍ଚିତ କରିଛନ୍ତି। ବିଶେଷଜ୍ଞମାନେ ଅନୁମାନ କରିଛନ୍ତି ଯେ, ବିମାନଟି ଲଣ୍ଡନକୁ ଫେରି ଆସିଥାଇପାରେ କାରଣ ଇଞ୍ଜିନ ନିର୍ମାତା ରୋଲ୍ସ-ରଏସ ଏବଂ ବ୍ରିଟିଶ ଏୟାରଓ୍ବେଜ୍ ରୋଲ୍ସ-ରଏସ୍ ସହିତ ଚୁକ୍ତି କରିଥିଲା। ଚୁକ୍ତିନାମା ସହିତ ଜଡ଼ିତ ସମସ୍ତ ଇନ୍ପୁଟ୍ ଏବଂ ସୁବିଧା ନିଶ୍ଚିତ ଭାବରେ ଇଂଲଣ୍ଡର ହିଥ୍ରୋ ବିମାନବନ୍ଦରରେ ହୋଇଥଲା, ତେଣୁ ବିମାନଟି ନିଶ୍ଚିତ ଭାବରେ ଫେରିଥିଲା।