ଭୟଙ୍କର ଝଡ଼ ତୋପାଫାନରେ ରନଓ୍ବେରେ ୯୦ଡିଗ୍ରୀ ବୁଲିଗଲା ବିମାନ, ଦେଖନ୍ତୁ ଭିଡିଓ

ବୁଏନୋସ ଆଇରେସ,୨୦।୧୨: ଆର୍ଜେଣ୍ଟିନାରେ ଆସିଥିବା ଏକ ଘୂର୍ଣ୍ଣିବଳୟ ହଇଚଇ ସୃଷ୍ଟି କରିଛି। ଗତ ସପ୍ତାହ ଶେଷରେ, ଏହି କାରଣରୁ ୧୬ ଜଣଙ୍କର ମତ୍ୟୁ ହୋଇଥିଲା। ଝଡ଼ର ପ୍ରବଳ ପବନ ମଧ୍ୟ ରାଜଧାନୀ ବୁଏନୋସ ଆଇରେସରେ ଗଛ ଏବଂ ଲାଇଟ୍‌ପୋଷ୍ଟ ଭାଙ୍ଗି ଦେଇଛି।
ଡିସେମ୍ବର ୧୭ରେ ବୁଏନୋସ ଆଇରେସ ଜର୍ଜ ନ୍ୟୁବେରୀ ଅନ୍ତର୍ଜାତୀୟ ବିମାନବନ୍ଦରରେ ପାର୍କିଂ ହୋଇଥିବା ଏକ ବିମାନର ଭିଡିଓ ଏବେ ଭାଇରାଲ ହେବାରେ ଲାଗିଛି। ଭିଡିଓ ଦେଖିବା ପରେ ଲୋକମାନେ ଆଶ୍ଚର୍ଯ୍ୟ ପ୍ରକଟ କରୁଛନ୍ତି। ଏହା ଦେଖାଯାଇପାରେ ଯେ ପ୍ରବଳ ପବନ ହେତୁ ବିମାନଟି ରନୱେରେ ୯୦ ଡିଗ୍ରୀ ବୁଲିଯାଇଛି। ଏହି ସମୟ ମଧ୍ୟରେ ବିମାନ ଉପରକୁ ଚଢୁଥିବା ସିଡ଼ି ସହିତ ଏହା ସହ ଧକ୍କା ହୋଇଥିବା ଦେଖାଯାଇଛି।
ଆର୍ଜେଣ୍ଟିନା ଏବଂ ଏହାର ପଡୋଶୀ ଦେଶ ଉରୁଗୁଏରେ ପ୍ରବଳ ଝଡ଼ ଆର୍ଜେଣ୍ଟିନା ରାଜଧାନୀରେ ଥିବା କୋଠାଗୁଡ଼ିକୁ ନଷ୍ଟ କରିଦେଇଛି। ବାତ୍ୟା ସମୟରେ ବୁଏନୋସ ଆଇରେସଠାରୁ ୪୦ କିଲୋମିଟର ଦୂରରେ ଥିବା ମୋରେନୋ ସହରରେ ଏକ ଗଛର ଡାଳ ପଡ଼ିଯିବା ପରେ ଜଣେ ମହିଳାଙ୍କ ମୃତ୍ୟୁ ଘଟିଥିଲା। ରବିବାର ସକାଳେ ଝଡ଼ତୋଫାନରେ ଉରୁଗୁଏରେ ଅତି କମରେ ଦୁଇ ଜଣଙ୍କର ମୃତ୍ୟୁ ଘଟିଥିବା ବେଳେ ଗଛ ଖସି ପଡ଼ି ଛାତ ଉପୁଡ଼ି ଯାଇଥିଲା। ଆର୍ଜେଣ୍ଟିନା ରାଷ୍ଟ୍ରପତି ଜାଭିୟର୍‌ ମିଲା ମଧ୍ୟ ରବିବାର (ଡିସେମ୍ବର ୧୭) ରେ ଅନେକ ମନ୍ତ୍ରୀଙ୍କ ସହ ବାହିଆ ବ୍ଲାଂକା ପରିଦର୍ଶନ କରିଥିଲେ।