ଅଷ୍ଟ୍ରେଲିଆରେ ଏକ ଐତିହାସିକ ଟେଷ୍ଟ ସିରିଜ ଜିତିଇବା ପରେ ଭାରତୀୟ ଉଇକେଟ କିପର-ବ୍ୟାଟ୍ସମ୍ୟାନ ରିଷଭ ପନ୍ତ ଏବେ ଚର୍ଚ୍ଚାରେ। ସେ ସୋସିଆଲ ମିଡିଆରେ ଟ୍ରୋଲ ହୋଇଛନ୍ତି। ତାଙ୍କୁ କେହି ନୁହେଁ ବରଂ ତାଙ୍କର ଦୁଇ ବିଶେଷ ବନ୍ଧୁ ତାଙ୍କୁ ଟ୍ରୋଲ କରିଥିଲେ। ରିଷଭଙ୍କୁ ଭାରତୀୟ ସ୍ପିନର ୟୁଜଭେନ୍ଦ୍ର ଚହଲ ଏବଂ ଆଫଗାନିସ୍ତାନ ସ୍ପିନର୍ ରସିଦ ଖାନ ମୂଷା ବୋଲି କହିଛନ୍ତି। ରିଷଭ ସୋସିଆଲ ମିଡିଆରେ ଏକ ଫଟୋ ପୋଷ୍ଟ କରିଥିଲେ। ଏହା ପରେ ଚହଲ ଏବଂ ରସିଦ ଏଭଳି ମନ୍ତବ୍ୟ ଦେଇଛନ୍ତି। ସୋସିଆଲ ମିଡିଆରେ ପୋଷ୍ଟ କରିଥିବା ଫଟୋରେ ପନ୍ତ ନାଲି ରଙ୍ଗର ପଲଭର (ହଟ ଟି-ସାର୍ଟ) ପିନ୍ଧିଥିଲେ। ଏଥିରେ କାର୍ଟୁନ ଚରିତ୍ର ଟମର ଏକ ଫଟୋ ଥିଲା।ଏହ ଫଟୋରେ ରିଷଭ ପନ୍ତ କ୍ୟାପସନ ଲେଖିଛନ୍ତି, ତୁମ ମଧ୍ୟରୁ କିଏ ଏହି କାର୍ଟୁନ ଦେଖିଛନ୍ତି?’ ଏହା ଉପରେ ୟୁଜବେନ୍ଦ୍ର ଚହଲ ଏକ ମଜାଳିଆ ମନ୍ତବ୍ୟ ଦେବା ପରେ ପନ୍ତଙ୍କୁ ଟ୍ରୋଲ କରିଥିଲେ। ୟୁଜଭେନ୍ଦ୍ର ଚହଲ ଲେଖିଛନ୍ତି, ତୁମକୁ ଏବଂ ଟମକୁ? ରସିଦ ଖାନ ମଧ୍ୟ ସମାନ ମନ୍ତବ୍ୟ ଦେଇଛନ୍ତି। ସେ ଲେଖିଛନ୍ତି, ‘ମୁଁ ତୁମକୁ ଏବଂ ଟମକୁ ଅନେକ ଥର ଦେଖିଛି।’ ୟୁଜବେନ୍ଦ୍ର ଚହଲ ଏବଂ ରସିଦ ଖାନ ରିଷଭ ପନ୍ତଙ୍କୁ ଜେରି ବା ମୂଷା କହି ଚିଡାଇଛନ୍ତି।