ବ୍ରହ୍ମପୁର ଅଫିସ,୩ା୩: ବ୍ରହ୍ମପୁର ବୈଦ୍ୟନାଥପୁର ଥାନା ପୋଲିସ ଗୋଦାବରୀଶ ନଗରର ଚତୁର୍ଥ ଗଳିରେ ଥିବା ଏକ ଅର୍ଦ୍ଧନିର୍ମିତ ଘରୁ ଜଣେ ମହିଳାଙ୍କୁ ଉଦ୍ଧାର କରିଥିଲା। ଦୀର୍ଘବର୍ଷ ଧରି ସମ୍ପୃକ୍ତ ମହିଳାଙ୍କୁ ବଳାକତ୍ାର କରାଯାଇଥିବା ନେଇ ସେ କାହ୍ନୁ ଚରଣ ପାଣିଗ୍ରାହୀଙ୍କ ବିରୋଧରେ ୨୦୨୨ ଫେବୃୟାରୀ ୧୭ରେ ଥାନାରେ ଅଭିଯୋଗ କରିଥିଲେ। ଏ ନେଇ ନଂ.୪୩/୨୨ରେ ପୋଲିସ ମାମଲା ରୁଜୁ କରିଛି। ପୋଲିସ ପୀଡ଼ିତାଙ୍କୁ ଉଦ୍ଧାର କରି ଏସ୍ଡିଜେଏମ୍ଙ୍କ କୋର୍ଟରେ ହାଜର କରି ତାଙ୍କ ବୟାନ ରେକର୍ଡ କରାଯାଇଥିଲା। ପରିବାର ଲୋକେ ଗ୍ରହଣ ନ କରିବାରୁ କୋର୍ଟଙ୍କ ନିର୍ଦ୍ଦେଶରେ ସେ ଏବେ ସ୍ବଧାର ଗୃହରେ ଅଛନ୍ତି। ଘଟଣାର ପ୍ରାୟ ୧୫ ଦିନ ବିତିଯାଇଥିଲେ ମଧ୍ୟ ପୋଲିସ ଅଭିଯୁକ୍ତଙ୍କୁ ଧରିବାରେ ଟାଳଟୁଳ ନୀତି ଅବଲମ୍ବନ କରୁଛି। ଅନ୍ୟପଟେ ଅପରାଧୀ ଜଣକ ତାଙ୍କୁ ଜୀବନରେ ମାରିଦେବାକୁ ଧମକ ଦେଉଛନ୍ତି ବୋଲି ପୀଡ଼ିତା କହିଛନ୍ତି। କାହ୍ନୁ ମୋ ଜୀବନକୁ ଏବେ ନର୍କଠାରୁ ଅଧିକ ଖରାପ କରିଦେଲେଣି। ପୋଲିସ ଏହାକୁ ହାଲୁକା ଭାବେ ଗ୍ରହଣ କରୁଛି। କେତେବେଳେ ନିର୍ବାଚନ ଆଳ ଦେଖାଇ ବ୍ୟସ୍ତ ରହୁଥିବା ବେଳେ କେତେବେଳେ ଆଇନଶୃଙ୍ଖଳା ପରିସ୍ଥିତି ଥିବା ଦର୍ଶାଉଛି। ଏହି ନୀରବଦ୍ରଷ୍ଟା ମୋ ଜୀବନ ପାଇଁ ଅଧିକ ବିପଦ ହୋଇପଡ଼ିଛି ବୋଲି ପୀଡିତା କହିଛନ୍ତି।
ପୀଡିତା ଘଟଣା ସମ୍ପର୍କରେ ମହିଳା କମିଶନଙ୍କୁ ଜଣାଇଛନ୍ତି। ଏଣୁ ମୋତେ ସରକାର, ଆଇନଜୀବୀ, ସାମାଜିକ କର୍ମୀ ଓ ଖବରଦାତାମାନେ ନ୍ୟାୟ ପ୍ରଦାନ ପାଇଁ ସହଯୋଗର ହାତ ବଢ଼ାନ୍ତୁ ବୋଲି ସେ କହିଛନ୍ତି। ପ୍ରକାଶ ଯେ, ୨୦୧୨ରେ ମୋ ବାହାଘର ହୋଇଥିଲା। ହେଲେ ଶ୍ୱଶୁର ଘର ପକ୍ଷରୁ ନିର୍ଯାତନା ଯୋଗୁ ମୁଁ ବାହାଘରର ୩ଦିନ ପରେ ବାପଘରକୁ ଚାଲି ଆସିଥିଲି। ପିଉସୀ ପୁଅ ଭାଇ କାହ୍ନୁ ୨୦୧୨ ଜୁଲାଇ ୨୦ରେ ମୋ ବାପାଙ୍କ ଘର ନିକଟକୁ ଏକ କାର ପଠାଇ ମତେ ବାଲୁଗଁା ନେଇଥିଲେ। ସେଠାରୁ ପୁରୀ ଓ ପରେ ଭୁବନେଶ୍ୱରର ଏକ ଲେଡିଜ୍ ହଷ୍ଟେଲରେ ରଖିଥିଲେ। ୨୦୧୨ ଅଗଷ୍ଟରେ କାହ୍ନୁ ଭୁବନେଶ୍ୱର ନୀଳାଦ୍ରିବିହାରରେ ଏକ ଘର ଭଡ଼ା ନେଇ ମୋତେ ରଖିଥିଲେ। ସେଠାରେ ସେ ଭୟଭୀତ କରି ମୋତେ ବଳପୂର୍ବକ ବଳାକତ୍ାର କରି ଆସୁଥିଲେ। ଏମିତିକି ମୋ ଗର୍ଭନଷ୍ଟ ମଧ୍ୟ କରିଥିଲେ। ଏହି ଘଟଣା ପରେ ମୁଁ ସମ୍ପୂର୍ଣ୍ଣ ରୂପେ ଭୟଭୀତ ଥିଲି। ସେହି ସମୟରେ ମୋର ମା’ଙ୍କ ମୃତ୍ୟୁ ଘଟିଥିଲା। ମୁଁ ବାପ ଘରକୁ ଯିବା ପାଇଁ କାହ୍ନୁଙ୍କୁ ଅନୁରୋଧ କରିଥିଲି। ମୋ ଜୀବନ ପ୍ରତି ବିପଦ ଥିବା କହି କାହ୍ନୁ ମୋ ବାପଘରକୁ ଛାଡି ନ ଥିଲେ। ୨୦୧୯ ନଭେମ୍ବର ୭ରେ ମୁଁ କୌଶଳକ୍ରମେ ସେହି ଘର ଛାଡ଼ି ରାଜସ୍ଥାନର ଜୟପୁର ଚାଲି ଯାଇଥିଲି ଏବଂ ସେଠାରେ ମୁଁ ଏକ ନୂଆ ଜୀବନ ଆରମ୍ଭ କରିବି ବୋଲି ସ୍ବପ୍ନ ଦେଖିଥିଲି। କିଛିମାସ ପରେ କାହ୍ନୁ ମୋ ନଁାରେ ଭୁବନେଶ୍ୱରରେ ମିଥ୍ୟା ମାମଲା ରୁଜୁ କରିଥିଲେ। ପୋଲିସ ଜୟପୁରରେ ପହଞ୍ଚତ୍ ମୋତେ ଘଟଣା ସମ୍ପର୍କରେ ପଚାରି ବୁଝିଥିଲା। ପରେ କାହ୍ନୁ ଫୋନ କରି ମୋତେ କହିଥିଲେ ଯେ ତୁ ବ୍ରହ୍ମପୁର ଆସିଯା, ମୁଁ ତତେ ଏଠାରେ କାମ କରାଇଦେବି। ତାଙ୍କ କଥାରେ ବିଶ୍ୱାସ କରି ବ୍ରହ୍ମପୁର ଆସିଥିଲି। ସେ ତାଙ୍କ ଗୋଦାବରୀଶନଗର ଘରକୁ ନେଇଥିଲେ। ସେଠାରେ ସେ ମୋର ହାତ ଗୋଡ଼ ବାନ୍ଧି ବଳାତ୍କାର କରୁଥିଲେ।
ଶେଷରେ ପୀଡ଼ିତା ଜଣକ ଗୃହବନ୍ଦୀ ରହି ବଳାତ୍କାରର ଶିକାର ହେଉଥିବା ନେଇ ଏକ ବାର୍ତ୍ତା ଟୁଇଟରରେ ପୋଷ୍ଟ କରିଥିଲେ। ଏହା ମୁଖ୍ୟମନ୍ତ୍ରୀଙ୍କଠାରୁ ଆରମ୍ଭ କରି ଡିଜିପି, ବ୍ରହ୍ମପୁର ଏସ୍ପି ଓ ଜିଲାପାଳଙ୍କ ନିକଟରେ ପହଞ୍ଚତ୍ଥିଲା। ପରେ ବୈଦ୍ୟନାଥପୁର ଥାନା ପୋଲିସ ତାଙ୍କୁ ଉଦ୍ଧାର କରିଥିଲା। ହେଲେ ଏଯାବତ୍ ପୋଲିସ ଅପରାଧୀଙ୍କୁ ଗିରଫ କରିବା ପରିବର୍ତ୍ତେ ଘଣ୍ଟ ଘୋଡ଼ାଉଥିବା ପୀଡ଼ିତା ଜଣକ କହିଛନ୍ତି। ଏନେଇ ବୈଦ୍ୟନାଥପୁର ଥାନାଧିକାରୀ ରାମ କୁମାର ମୁର୍ମୁଙ୍କୁ ପଚାରିବାରୁ ପୋଲିସ କେବେ ବି ଅପରାଧୀଙ୍କୁ ଘଣ୍ଠ ଘୋଡ଼ାନ୍ତି ନାହିଁ। ଖବର ମିଳିବା ପରେ ପୋଲିସ ଉକ୍ତ ମହିଳାଙ୍କୁ ଉଦ୍ଧାର କରିଥିଲା। ଏ ସଂକ୍ରାନ୍ତରେ ଥାନାରେ ଏକ ମାମଲା ରୁଜୁ ହୋଇଛି। ପୋଲିସ ଅପରାଧୀକୁ ଧରିବା ପାଇଁ ତାଙ୍କ ଫୋନ ନମ୍ବର ଟ୍ରାକିଂ କରି ବିଭିନ୍ନ ସ୍ଥାନରେ ଚଢ଼ାଉ ଜାରି ରଖିଛି। ଖୁବଶୀଘ୍ର ଅପରାଧୀକୁ ଗିରଫ କରାଯିବ ବୋଲି ସେ କହିଛନ୍ତି।