ବଲିଉଡ୍ ଅଭିନେତା ରିତେଶ ଦେଶମୁଖ ସୋସିଆଲ ମିଡିଆରେ ବେଶ୍ ସକ୍ରି। ସ୍ତ୍ରୀ ତଥା ଅଭିନେତ୍ରୀ ଜେନେଲିଆ ଡି’ ସୁଜାଙ୍କ ସହ ସେ କମେଡି ଭିଡିଓ କରି ଲୋକଙ୍କ ମନୋରଞ୍ଜନ କରନ୍ତି। ନିକଟରେ ରିତେଶ ଏକ ଖୁଲାସା କରିଥିଲେ। ୨୦୨୦ ରେ ଲକଡାଉନ ଲାଗୁ କରାଯାଇଥିଲା। ଘରେ ବସି ଲୋକଙ୍କ ମୁହଁରେ ହସ ଫୁଟାଇବା ପାଇଁ ସେ ଟିକଟକ୍ କରୁଥିଲେ। କିନ୍ତୁ ଦେଶରେ ଟିକଟକ ଉପରେ ପ୍ରତିବନ୍ଧକ ଲଗାଯିବା ପରେ ରିତେଶ ବହୁତ ରାଗି ଯାଇଥିଲେ। ଟିକଟକ ଉପରେ ପ୍ରତିବନ୍ଧକ ଲଗାଯିବା ପରେ ସେ ନିଜକୁ ବେରୋଜଗାରିଆ ଭାବୁଥିଲେ। ବେଳେବେଳେ ମନକୁ ଆସୁଥିଲା – ‘ହେ ଭଗବାନ, ମୁଁ ବର୍ତ୍ତମାନ କଣ କରିବି, କାମ ଚାଲିଯାଇଛି।’ କିନ୍ତୁ ତା’ପରେ ସେ ରିଲ ତିଆରି କରିବାର ସୁଯୋଗ ପାଇଲି ଏବଂ ସେ ଜେନେଲିଆ ଡି’ସୁଜାଙ୍କ ସହ ମଜାଳିଆ ରିଲ ତିଆରି କରିବା ଆରମ୍ଭ କଲେ, ଯାହା ପ୍ରଶଂସକମାନେ ବହୁତ ଉପଭୋଗ କରୁଛନ୍ତି ବୋଲି କହନ୍ତି ରିତେଶ।
ନିକଟରେ ରିତେଶ ଦେଶମୁଖ ଜେନେଲିଆ ଡି’ସୁଜାଙ୍କ ସହ କୌନ ବନେଗା କରୋଡପତିରେ ପହଞ୍ଚିଥିଲେ। ଲଠାରେ ଦୁହେଁ ବହୁତ ମଜା କରିଥିଲେ। ଜେନେଲିଆ ଡି’ସୁଜା ବହୁ ବର୍ଷ ପୂର୍ବେ ଅଭିନୟ ଛାଡିଥିବାବେଳେ ରିତେଶଙ୍କୁ ଏବେ ହାତଗଣତି ଫିଲ୍ମରେ ଦେଖିବାକୁ ମିଳୁଛି। ତାଙ୍କୁ ଶେଷ ଥର ପାଇଁ ହାଉସଫୁଲ ୪ରେ ଦେଖିବାକୁ ମିଳିଥିଲା।
