ଯାଜପୁର ଅଫିସ,୯ା୧୧: ଯାଜପୁର-କେନ୍ଦୁଝର ରୋଡ ରେଳ ଷ୍ଟେଶନରେ ମଙ୍ଗଳବାର ଅପରାହ୍ନ ପ୍ରାୟ ୨ଟା ୧୫ ମିନିଟ୍ ସମୟରେ ଜଣେ ଯାତ୍ରୀ ଧଉଳି ଏକ୍ସପ୍ରେସକୁ ଚଢୁଥିବା ସମୟରେ ହଠାତ୍ ଖସି ପଡ଼ିଥିଲେ ା ମାତ୍ର କିଛି ମିନିଟ୍ ବିଳମ୍ବ ହୋଇଥିଲେ ସମ୍ପୃକ୍ତ ଯାତ୍ରୀ ପ୍ଲାଟ୍ଫର୍ମ ତଳକୁ ଖସି ପଡି ଥାଆନ୍ତେ ା ହେଲେ ସେଠାରେ କାର୍ଯ୍ୟରତ ଆର୍ପିଏଫ୍ କନ୍ଷ୍ଟେବଳ ଲାଲା ବିହାରୀ ରାମ୍ଙ୍କ ଉପସ୍ଥିତ ବୁଦ୍ଧି ଯୋଗୁ ସେ ନିଶ୍ଚିତ ଦୁର୍ଘଟଣାରୁ ବର୍ତ୍ତି ଯାଇଛନ୍ତି। ସମ୍ପୃକ୍ତ ଯାତ୍ରୀ ଜଣକ ହେଉଛନ୍ତି ବାଲେଶ୍ୱର ଜିଲା ରିଗଡି ଗ୍ରାମର ସାଗର କୁମାର ପାତ୍ର(୩୫) ା
ସୂଚନାଯୋଗ୍ୟ, ଧଉଳି ଏକ୍ସପ୍ରେସ ଯାଜପୁର-କେନ୍ଦୁଝର ରୋଡ ଷ୍ଟେଶନରୁ ନିର୍ଦ୍ଧାରିତ ସମୟରେ ଛାଡିଥିଲା। ଟ୍ରେନଟି ତାର ଗତି ବଢ଼ାଇ ଚାଲିଥିବାବେଳେ ସାଗର ଦୌଡି ଦୌଡ଼ି ଯାଇ ବଗିର ହ୍ୟାଣ୍ଡେଲକୁ ଧରି ନେଇଥିଲେ ା କିନ୍ତୁ ସେ ବଗି ଭିତରକୁ ଯାଇ ପାରି ନ ଥିଲେ। କିଛି ସମୟ ଚେଷ୍ଟା କଲା ପରେ ସେ ହ୍ୟାଣ୍ଡେଲକୁ ଧରି ପ୍ଲାଟ୍ଫର୍ମରେ ଘୁଷୁରି ଘୁଷୁରି କିଛି ବାଟ ଯାଇଥିଲେ ା ଏହାଦେଖି ଦାୟିତ୍ୱରେ ଥିବା ଆରପିଏଫ୍ କନ୍ଷ୍ଟେବଳ ରାମ୍ ଚେନ୍ ପୁଲିଂ କରିବାକୁ ଖୁବ୍ ଜୋରରେ ଚିତ୍କାର କରିିଥିଲେ। ଏହାସହ ଯାତ୍ରୀଙ୍କୁ ଉଦ୍ଧାର କରିବାକୁ ଦୌଡି ଥିଲେ। ଟ୍ରେନର ଗାର୍ଡ ଚେନ୍ ପୁଲିଂ କରିବାରୁ ଗତି ନିୟନ୍ତ୍ରଣ ହୋଇଥିଲା ା ଏହାପରେ ସାଗର ତଳେ ଛିଟିକି ପଡିଥିଲେ ା ଏହାପରେ ଆରପିଏଫ୍ ରାମ୍ ତାଙ୍କୁ ଉଦ୍ଧାର କରି ଚିକିସତ୍ା ପାଇଁ ଡାକ୍ତରଖାନାକୁ ପଠାଇଥିଲେ। ଏହି ଦୁର୍ଘଟଣା ସମ୍ପୂର୍ଣ୍ଣ ଦୃଶ୍ୟ ଷ୍ଟେଶନରେ ଲାଗିଥିବା ସିସିଟିଭି କ୍ୟାମେରାରେ କଏଦ ହୋଇଛି ା