ପୁରୀ ଅଫିସ,୨୦।୨: ପୁରୀ ରାଜଭବନରେ ରାଷ୍ଟ୍ରପତି ରାମନାଥ କୋବିନ୍ଦ ଶନିବାର ରାତ୍ରିଯାପନ କରିଛନ୍ତି। ରାତ୍ରଭୋଜନରେ ରାଷ୍ଟ୍ରପତି ନିରାମିଷ ଆହାର ଗ୍ରହଣ କରିଥିବା ବେଳେ ପରିବାରର ସଦସ୍ୟ ଆମିଷ ସେବନ କରିଛନ୍ତି। ରାଷ୍ଟ୍ରପତି ଚପାତି, ଭେଣ୍ଡି ମସଲା, ଭେଣ୍ଡି ଭଜା ଓ କଖାରୁ ଓ ଲାଉରେ ପ୍ରସ୍ତୁତ ସ୍ବତନ୍ତ୍ର ବ୍ୟଞ୍ଜନ ଖାଇଛନ୍ତି। ପରିବାରର ସଦସ୍ୟମାନେ ଅନ୍ନ, ଚିଙ୍ଗୁଡ଼ି ତରକାରି ସହ ଛତୁ ବେସର ଓ ପନିର୍ ପସିନ୍ଦା ଖାଇଛନ୍ତି। ରାଷ୍ଟ୍ରପତିଙ୍କ ସମେତ ପରିବାରର ସଦସ୍ୟମାନେ ମିଠାରେ ରସଗୋଲା ଓ ଛେନାପୋଡ଼ ଖାଇଛନ୍ତି। ଖାଦ୍ୟ ପ୍ରସ୍ତୁତ କରିବା ପାଇଁ ରାଷ୍ଟ୍ରପତି ଭବନର ରୋଷେୟା ରାଷ୍ଟ୍ରପତିଙ୍କ ସହ ପୁରୀ ରାଜଭବନରେ ପହଞ୍ଚିଥିଲେ। ରାଷ୍ଟ୍ରପତି ପରିବାର ସହ ରାଜଭବନରେ ରାତ୍ରିଯାପନ କରିଥିବା ବେଳେ କେତେଜଣ ସହଯୋଗୀ ପୁରୀସ୍ଥିତ ଏକ ଘରୋଇ ହୋଟେଲରେ ରହିଛନ୍ତି। ସେହିଭଳି ସକାଳ ଜଳଖିଆରେ ଚା, କଫି, ଲେମ୍ବୁ ପାଣି, ୟାକୁଲ୍ଟ, ସୋୟା ମିଲ୍କ, ଫ୍ଲେଭରଡ ୟୋଗାର୍ଟ, କୋଲ୍ଡ ମିଲ୍କ, ହଟ ମିଲ୍କ, ବ୍ରାଉନ ବ୍ରେଡ୍, ହ୍ବାଇଟ୍ ବ୍ରେଡ୍ ସ୍ଲାଇସ୍ ଇତ୍ୟାଦି ରହିଛି। ଫଳରେ ତରଭୁଜ, ଅମୃତଭଣ୍ଡା, କଦଳୀ, ନାଶପାତି, କମଳା ଇତ୍ୟାଦି ରହିଛି। ଟିଫିନ୍ରେ ଇଡ୍ଲି, ନଡ଼ିଆ ଚଟଣି, ଟମାଟୋ ଚଟଣି, ଭେଜିଟେବୁଲ ଉପମା, ବରା, ପୁରି, ଆଳୁ ମଟର ତରକାରି, କୋବି ପରାଟା ଓ ସମ୍ବର-ଦୋଷା ଆଦି ବିକଳ୍ପ ଭାବେ ରହିଛି। ମଧ୍ୟାହ୍ନ ଭୋଜନରେ ପୋଦିନା ଜୁସ୍, ଭର୍ଜିନ୍ ମୋହିଟୋ, ମସଲା ଚାଟ୍, ପୋଦିନା ପନିର୍ ଟିକା, ଭେଜିଟେବୁଲ୍ ମିନି କଟଲେଟ୍, ମୁର୍ଘ ମଲାଇ ଟିକା, ଋଷିଆନ୍ ସାଲାଡ୍, ସ୍ପାଇସ୍ ଆପଲ୍ କର୍ନ, ଡାଲ୍ ପେଶାୱାର, ମସରୁମ୍ ଦୋପ୍ୟାଜା, ଆଳୁ କଲରା ଚିପ୍ସ, ବେବିନ କର୍ନ ମସଲା ଆଦିର ବ୍ୟବସ୍ଥା ରହିଛି। ନିରାମିଷରେ ପନିର ବଟର ମସଲା, ମୋଟି ମଟର ଓ ଆମିଷରେ ଚିକେନ୍ କସା, ଗ୍ରୀଲ୍ଡ ଫିସ୍, ମଟନ୍ ରୋଗାନ୍ ଜୋଶ ରହିଛି। କଲିଫ୍ଲାୱାର ମଞ୍ଜୁରିୟାନ୍, ଏକ୍ସୋଟିକ୍ ଭେଜିଟେବୁଲ୍ସ, ସିଙ୍ଗାପୁର ନୁଡୁଲ୍, ଭେଜିଟେବୁଲ ପଲାଉ, ବଟର ନାନ ଭଳି ଅନେକ ବ୍ୟଞ୍ଜନ ରହିଛି। ମିଠାରେ ରସଗୋଲା, ଛେନା ଝିଲ୍ଲୀ, ମୁଗ ଡାଲି ହାଲୁଆ, ଅପେରା କେକ୍, କୋକାନଟ୍ ବ୍ଲୁ ବେରୀ ସ୍ୟାଡୋ ଓ ଭ୍ୟାନିଲ ଆଇସକ୍ରିମ୍ ରହିଛି।