ନୂଆଦିଲ୍ଲୀ,୧୩।୩: ଆଜି ଭାରତ ପାଇଁ ଏକ ଐତିହାସିକ ଦିନ। ଓସ୍କାର ୨୦୨୩ ଭାରତ ଦୁଇଟି ଓସ୍କାର ଜିତିଛି। ‘ଆର୍ଆର୍ଆର୍’ର ନାଟୁ ନାଟୁ ଗୀତ ଏବଂ ‘ଦ ଏଲିଫାଣ୍ଟ୍ ହ୍ବିସ୍ପର୍ସ’ ଏକାଡେମୀ ପୁରସ୍କାର ଜିତିଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସମେତ ଅନେକ ସେଲିବ୍ରିଟି ଏହି ଦୁଇ ଫିଲ୍ମର ଟିମ୍କୁ ଶୁଭେଚ୍ଛା ଜଣାଇଛନ୍ତି।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦ ଟୁଇଟ କରି କହିଛନ୍ତି ଯେ, ‘ନାଟୁ ନାଟୁ’ର ଲୋକପ୍ରିୟତା ବିଶ୍ୱବ୍ୟାପୀ। ଏହି ଗୀତ ଆଗାମୀ ବର୍ଷଗୁଡ଼ିକ ପାଇଁ ସ୍ମରଣୀୟ ହୋଇ ରହିବ। ଏହି ସମ୍ମାନ ପାଇଁ @mmkeeravaani, @boselyricist ଏବଂ ସମଗ୍ର ଟିମ୍କୁ ଅଭିନନ୍ଦନ। ଏଥି ସହିତ ପ୍ରଧାନମନ୍ତ୍ରୀ ଓସ୍କାର ପାଇଥିବାରୁ ‘ଦ ଏଲିଫାଣ୍ଟ୍ ହ୍ବିସ୍ପର୍ସ’ ଟିମ୍କୁ ମଧ୍ୟ ଅଭିନନ୍ଦନ ଜଣାଇଛନ୍ତି।