ପ୍ରଧାନମନ୍ତ୍ରୀ ଗଲେ

ଶ୍ରୀଲଙ୍କା ପ୍ରଧାନମନ୍ତ୍ରୀ ମହିନ୍ଦା ରାଜପାକ୍ସେ ଶେଷରେ ୯ ମେ’ରେ ପଦରୁ ଇସ୍ତଫା ଦେଇଛନ୍ତି। ଶ୍ରୀଲଙ୍କାରେ ସଙ୍କଟ ଦେଖାଦେବାଠାରୁ ଦେଶବାସୀ ପ୍ରଧାନମନ୍ତ୍ରୀ ମହିନ୍ଦା ଓ ରାଷ୍ଟ୍ରପତି ଗୋଟାବାୟା ରାଜପାକ୍ସେଙ୍କ ଇସ୍ତଫା ଲାଗି ଅଡ଼ି ବସିଥିଲେ। ଦ୍ୱିତୀୟ ଥର ଲାଗି ଶ୍ରୀଲଙ୍କାରେ ଜାତୀୟ ଜରୁରିକାଳୀନ ପରିସ୍ଥିତି ଲାଗୁ କରାଯିବା ପରେ ଦେଶବ୍ୟାପୀ ବ୍ୟାପକ ହିଂସାକାଣ୍ଡ ଘଟିଛି। ଏଥିରେ ୭୬ ଜଣ ଆହତ ହୋଇଛନ୍ତି ଓ ରାଜନୈତିକ ଗୋଷ୍ଠୀ ମଧ୍ୟରେ ସଂଘର୍ଷ ଘଟିବାରୁ ପ୍ରବଳ କ୍ଷତି ଘଟିଛି। ଦେଶ ଅରାଜକତା ଆଡ଼କୁ ଗତି କରୁଥିବା ଦେଖି ପ୍ରଧାନମନ୍ତ୍ରୀ ମହିନ୍ଦା ରାଜପାକ୍ସେ ଇସ୍ତଫା ଦେଇଥିବା କୁହାଯାଉଛି।
ରାଜପାକ୍ସେ ପରିବାର ଦେଶର ସମୁଦାୟ ଶାସନକୁ ଗୋଟିଏ ଜାଗାରେ ଠୁଳକରି ଦେଇଥିବାରୁ ଅସନ୍ତୋଷ ବୃଦ୍ଧି ପାଇଆସିଛି। ଅନେକ ମାସ ଧରି ଲୋକେ ଖାଦ୍ୟ ଓ ରନ୍ଧନ ସାମଗ୍ରୀ ଏବଂ ଔଷଧପତ୍ର ପାଇବାରୁ ବଞ୍ଚତ୍ତ ହୋଇଛନ୍ତି। ବିଦେଶରୁ ଆଣିଥିବା ଋଣର ୭ ବିଲିୟନ ଡଲାର କେବଳ ଚଳିତ ବର୍ଷ ଶୁଝିବାକୁ ଥିବା ବେଳେ ଶ୍ରୀଲଙ୍କା ଅକ୍ଷମତା ପ୍ରକାଶ କରିଛି। ଉଲ୍ଲେଖଯୋଗ୍ୟ ଯେ, ୨୦୨୬ ସୁଦ୍ଧା ଦେଶ ୨୫ ବିଲିୟନ ଡଲାର ବିଦେଶୀ ଋଣ ଶୁଝିବାକୁ ଅଛି। ନିଜ ଦେଶକୁ ଚଳାଇବାରେ ସକ୍ଷମ ହେଉ ନ ଥିବା ଶ୍ରୀଲଙ୍କା ବାହ୍ୟ ଋଣ ଶୁଝିବା ସ୍ଥିତିରେ ନ ଥିବାରୁ ଏହି ଦ୍ୱୀପରାଷ୍ଟ୍ର ଏକ ପ୍ରକାର ଦେବାଳିଆ ହୋଇଯାଇଛି। କୋଭିଡ୍‌-୧୯ ପରେ ଏହାର ପର୍ଯ୍ୟଟନ କ୍ଷେତ୍ର ସମ୍ପୂର୍ଣ୍ଣ ଭାବେ ମାଡ଼ ଖାଇଯାଇଥିଲା। କଲମ୍ବୋ ଦୁଃଖ ବଢ଼ାଇ ଦେଇଥିଲା ସେଠାକାର କୃଷି ନୀତି। ସରକାର ସମ୍ପୂର୍ଣ୍ଣ ଭାବେ ଜୈବିକ ଚାଷକୁ ଲମ୍ଫ ପ୍ରଦାନ କରିବାରୁ ଏହାର ଖାଦ୍ୟ ଉତ୍ପାଦନ ଉପରେ ଚଡ଼କ ପଡ଼ିଲା। ଚାଷ ଜମିରେ ରାସାୟନିକ ସାର ବ୍ୟବହାର କରାଯାଉଥିବାରୁ ଉତ୍ପାଦନ ବୃଦ୍ଧି ପାଉଥିଲା ଓ ସେଠାକାର ଲୋକଙ୍କୁ ଖାଦ୍ୟ ନିରାପତ୍ତା ମିଳିପାରୁଥିଲା। ଏକାଥରକେ ଏକ ନୂଆ ପରୀକ୍ଷଣ କରିବାକୁ ଯାଇ ଶ୍ରୀଲଙ୍କା ସରକାର ଜୈବିକ ଚାଷକୁ ବାଧ୍ୟତାମୂଳକ କରିଦେଇଥିଲେ। ଫଳରେ ଖାଦ୍ୟସାମଗ୍ରୀ କମିଗଲା ଓ ଲୋକେ ଖାଇବାକୁ ପାଇଲେ ନାହିଁ। ଏହି ଚାହିଦା ମେଣ୍ଟାଇବା ସକାଶେ ସରକାରଙ୍କ ନିକଟରେ ଅର୍ଥ ନ ଥିବାରୁ ଖାଦ୍ୟଶସ୍ୟ ଆମଦାନୀ କରାଯାଇପାରୁ ନାହିଁ। ଏଥିସହିତ ରାଜପାକ୍ସେ ପରିବାର ରାଜକୋଷକୁ ଲୁଟି ନେଇଥିବା ଅଭିଯୋଗ ସ୍ଥିତିକୁ ଆହୁରି ସଙ୍ଗିନ କରିଦେଇଛି।
ଗୋଟେ ସରକାର ଦେବାଳିଆ ସ୍ଥିତିକୁ ଆସିବାରେ ଏହାର ଶାସକ ମୁଖ୍ୟତଃ ଦାୟୀ। ଶ୍ରୀଲଙ୍କାରେ ରାଜପାକ୍ସେ ପରିବାରର ତିନି ଭାଇଙ୍କ ସମେତ ଅନ୍ୟ ସମ୍ପର୍କୀୟ ରାଷ୍ଟ୍ରର ସମ୍ପୂର୍ଣ୍ଣ କ୍ଷମତାକୁ ଅକ୍ତିଆର କରିନେଇଥିଲେ। ରାଷ୍ଟ୍ରପତି, ପ୍ରଧାନମନ୍ତ୍ରୀ ଓ ଅର୍ଥମନ୍ତ୍ରୀ ଭଳି ପଦବୀ ଯେଉଁ ପରିବାର ନିକଟରେ ଠୁଳ ହୁଏ, ସେଠାରେ ପ୍ରଶାସନ ଦେଶ ପରିବର୍ତ୍ତେ ପରିବାର ସ୍ବାର୍ଥକୁ ଦେଖେ। ଏକ ଗଣତାନ୍ତ୍ରିକ ବ୍ୟବସ୍ଥାରେ ଏହା ଆଦୌ ଗ୍ରହଣୀୟ ନୁହେଁ। ଇଂଲିଶରେ ପ୍ରବାଦ ରହିଛି-‘ପାଓ୍ବାର କରପ୍ଟସ, ଆବସଲ୍ୟୁଟ ପାଓ୍ବାର କରପ୍ଟସ ଆବସଲ୍ୟୁଟଲି’। ଅର୍ଥାତ୍‌ କ୍ଷମତା ଆଣେ ଦୁର୍ନୀତି ଓ ସମ୍ପୂର୍ଣ୍ଣ କ୍ଷମତା ସମ୍ପୂର୍ଣ୍ଣ ଭାବେ ଦୁର୍ନୀତିଗ୍ରସ୍ତ କରିଦିଏ। ସମ୍ଭବତଃ ରାଜପାକ୍ସେ ପରିବାର ଏହି ଆପ୍ତବାକ୍ୟ ପାଇଁ ପ୍ରଯୁଜ୍ୟ। ଏବେ ଶ୍ରୀଲଙ୍କା ପ୍ରଧାନମନ୍ତ୍ରୀ ଇସ୍ତଫା ଦେବା ଦେଶବାସୀଙ୍କ ଅସନ୍ତୋଷର ପ୍ରତିଫଳନ।
ଆଜିର ପୃଥିବୀରେ ଅନେକ ଗଣତାନ୍ତ୍ରିକ ଦେଶରେ ଭୋଟ ମାଧ୍ୟମରେ ଏକଚ୍ଛତ୍ରବାଦୀ ନେତା ନିର୍ବାଚିତ ହୋଇ ମନମୁଖି କାର୍ଯ୍ୟ କରୁଛନ୍ତି। ଶ୍ରୀଲଙ୍କାର ରାଜପାକ୍ସେ, ଫିଲିପାଇନ୍ସର ରୋଡ୍ରିଗୋ ଡୁଟେର୍ଟେ, ବ୍ରାଜିଲର ଜୈର ବୋଲସେନାରୋ ଏବଂ ରୁଷିଆର ଭ୍ଲାଡିମିର ପୁଟିନ୍‌ଙ୍କ ଭଳି ନେତା ଏବେ ବିଶ୍ୱବ୍ୟାପୀ ମାଳମାଳ। ଭୋଟରେ ଜିତିଗଲେ ସେମାନଙ୍କ ସବୁ କୁକର୍ମକୁ ତାଙ୍କର ସମର୍ଥକମାନେ ଜୋରଜବରଦସ୍ତ କରି ଘୋଡ଼ାଇ ଦେଉଛନ୍ତି। ଜନସାଧାରଣ ନୀରବ ରହିଯିବା ଫଳରେ ଏହିଭଳି ନେତାମାନଙ୍କର ମନଇଚ୍ଛା ଦୁଷ୍ଟ କାର୍ଯ୍ୟ ବୃଦ୍ଧି ପାଇବାରେ ଲାଗୁଛି। ଏମାନଙ୍କ ଦ୍ୱାରା ନିଜ ଦେଶର ଅର୍ଥନୈତିକ ଓ ସାମାଜିକ କ୍ଷତି ଅଭୂତପୂର୍ବ ରୂପ ଧାରଣ କରୁଛି। ଏହି ନେତାମାନଙ୍କୁ ପରବର୍ତ୍ତୀ ସମୟରେ ବିଦା କରିଦେଲେ ମଧ୍ୟ ସେମାନଙ୍କ ଦ୍ୱାରା ଘଟାଯାଇଥିବା ଦେଶ ପ୍ରତି ଦୁଷ୍କର୍ମର ପ୍ରତିକାର କରାଇବା ଅତ୍ୟନ୍ତ କଷ୍ଟକର ହେବ।

ଶ୍ରୀଲଙ୍କାରେ ରାଜପାକ୍ସେ ପରିବାରର ତିନି ଭାଇଙ୍କ ସମେତ ଅନ୍ୟ ସମ୍ପର୍କୀୟ ରାଷ୍ଟ୍ରର ସମ୍ପୂର୍ଣ୍ଣ କ୍ଷମତାକୁ ଅକ୍ତିଆର କରିନେଇଥିଲେ। ରାଷ୍ଟ୍ରପତି, ପ୍ରଧାନମନ୍ତ୍ରୀ ଓ ଅର୍ଥମନ୍ତ୍ରୀ ଭଳି ପଦବୀ ଯେଉଁ ପରିବାର ନିକଟରେ ଠୁଳ ହୁଏ, ସେଠାରେ ପ୍ରଶାସନ ଦେଶ ପରିବର୍ତ୍ତେ ପରିବାର ସ୍ବାର୍ଥକୁ ଦେଖେ।


Enter your email to get our daily news in your inbox.

All Right Reserved By Dharitri.Com

ସଂସାରର ବିଜ୍ଞାନ ତତ୍ତ୍ୱ

ମେ ଆମ ଚାରିପାଖରେ ଯେଉଁସବୁ ଘଟଣା ଦେଖୁଛେ ତାହା ସବୁ ବିଜ୍ଞାନର କିଛି ମୌଳିକ ନିୟମ ଅନୁସାରେ ଘଟିଥାଏ । ସୂର୍ଯ୍ୟଙ୍କ ଉଦୟ ଏବଂ ଅସ୍ତ...

କେହି କାହାରିକୁ ଶିଖାନ୍ତି ନାହିଁ

ଗୁରୁ ଟିକିଏ ନିଶ୍ଚୁପ ହୋଇ ନବାଗତଙ୍କ ଆଡ଼େ ଦୃଷ୍ଟିପାତ କରୁଥିଲେ। କିଛିକ୍ଷଣ ପରେ ନୀରବତା ଭଙ୍ଗ କରି ଗୁରୁ କହିଲେ- ବତ୍ସ! ତୁମେ ମୋ ପାଖକୁ...

ବାଣିଜ୍ୟ ବ୍ୟବସ୍ଥାର ପୁନର୍ଗଠନ ଲୋଡ଼ା

ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏପ୍ରିଲ ପ୍ରାରମ୍ଭରେ ଅତ୍ୟଧିକ ଟାରିଫ ବୃଦ୍ଧି କରିଥିଲେ। ଏହା ବାଣିଜ୍ୟ ଯୁଦ୍ଧକୁ ତୀବ୍ର କରିଥିଲା, ଯାହାକୁ ସେ ‘ଲିବରେଶନ ଡେ’...

ମୁଁ ଓ ମୋର

ମାନବ ସମାଜରେ ବ୍ୟକ୍ତିବାଚକ ସର୍ବନାମ ‘ମୋ’ ଶବ୍ଦରେ ସବୁକିଛିର ମୂଲ୍ୟ ନିହିତ ରହିଛି। ଆମେ କହିଥାଉ ଏ ଜାଗା ମୋର। ଏ ଦେହ ମୋର। ବାସ୍ତବରେ...

ନିଯୁକ୍ତିର ମରୀଚିକା

ଉପଯୁକ୍ତ ଜୀବିକା ଓ କର୍ମନିଯୁକ୍ତି ପ୍ରତ୍ୟେକ ମନୁଷ୍ୟକୁ ବିକାଶ ଦିଗକୁ ଟାଣି ନେଇଥାଏ। ନିଯୁକ୍ତି ଦେଇଥାଏ ନୂଆ ଆଶାର ଆଲୋକ, ଯାହା ଫଳରେ ବ୍ୟକ୍ତିଟିଏ ନିଜ...

ବାକ୍‌ ସଂଯମ: ଏକ ସାଧନା

ଷୋଡ଼ଶ ଶତାବ୍ଦୀର ଏକ ଘଟଣାରୁ ପ୍ରବନ୍ଧଟି ଆରମ୍ଭ କରୁଛି। ଇଂରେଜ ମନୀଷୀ ଥୋମାସ୍‌ କୁପାର ଆଠବର୍ଷ କଠିନ ପରିଶ୍ରମ କରି ଏକ ଅଭିଧାନ ସଂକଳନ କରୁଥିଲେ।...

୩୦ ବର୍ଷ ପୂର୍ବରୁ ଓ ପରେ

ବିଶ୍ୱର ପ୍ରାୟ ସମସ୍ତ ବିକଶିତ ଦେଶ ସେମାନଙ୍କ ମାନବ ଶକ୍ତିକୁ ବିଭିନ୍ନ କ୍ଷେତ୍ରରେ ସର୍ବାଧିକ ବିନିଯୋଗ କରିପାରିଛନ୍ତି। ଏହି କ୍ରମରେ ଭାରତ ପାଇଁ ଏଭଳି କରିବା...

ଏଇ ଭାରତରେ

ପେସାରେ ସାମ୍ବାଦିକ ହେଲେ ମଧ୍ୟ ଚାଷରେ ଏକ ନମ୍ବର। ଏମିତି ଜଣେ ସାମ୍ବାଦିକ ହେଉଛନ୍ତି କେରଳର ୫୪ ବର୍ଷୀୟ ନାରାୟଣନ୍‌ କନାଲୟାମ। ତାଙ୍କ ଫାର୍ମରେ ୮୭...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri
preload imagepreload image