ନୂଆଦିଲ୍ଲୀ/ଢାକା,୨୮।୬: ବାଂଲାଦେଶ ପ୍ରଧାନମନ୍ତ୍ରୀ ଶେଖ ହସିନା ଗୁରୁବାର (ଜୁନ ୨୭) ତ୍ରିପୁରା ମୁଖ୍ୟମନ୍ତ୍ରୀ ମାଣିକ ସାହାଙ୍କୁ ଶୁଭେଚ୍ଛା ଉପହାର ସ୍ବରୂପ ୫୦ କିଲୋଗ୍ରାମ ଇଲିସି ମାଛ, ୫୦ କିଲୋଗ୍ରାମ ରସଗୋଲା ଏବଂ ୪୦୦ କିଲୋଗ୍ରାମ ଆମ୍ବ ପଠାଇଛନ୍ତି। ଏହାପୂର୍ବରୁ, ଜୁନ ୨୩ରେ ସାହା ହାସିନାଙ୍କୁ ଉପହାର ସ୍ବରୂପ ୫୦୦ କିଲୋଗ୍ରାମ ସପୁରୀ ପଠାଇଥିଲେ, ଏହା ପରେ ବାଂଲାଦେଶ ପ୍ରଧାନମନ୍ତ୍ରୀ ମଧ୍ୟ ଏକ ଉପହାର ପଠାଇଥିଲେ।
ବାଂଲାଦେଶ ଆସିଷ୍ଟାଣ୍ଟ ହାଇ କମିଶନ ଅଧିକାରୀମାନେ ଅଗରତାଲାର ଆଖୁରା ଇଣ୍ଟିଗ୍ରେଟେଡ ଚେକ ପୋଷ୍ଟରେ ଏହି ସାମଗ୍ରୀ ଗ୍ରହଣ କରିଥିଲେ ଏବଂ ଏହା ଖୁବ ଶୀଘ୍ର ମୁଖ୍ୟମନ୍ତ୍ରୀଙ୍କୁ ହସ୍ତାନ୍ତର କରାଯିବ। ବାଂଲାଦେଶର ଆସିଷ୍ଟାଣ୍ଟ ହାଇ କମିଶନର ପ୍ରଥମ ସଚିବ ତଥା ଚାନ୍ସରିର ମୁଖ୍ୟ ମହମ୍ମଦ ରେଜାଉଲ ହକ ଚୌଧୁରୀ କହିଛନ୍ତି ଯେ ଏହି ଉପହାର ବିନିମୟର ଉଦ୍ଦେଶ୍ୟ ହେଉଛି ଦ୍ୱିପାକ୍ଷିକ ସମ୍ପର୍କକୁ ମଜବୁତ କରିବା ଏବଂ ଦୁଇ ପଡୋଶୀ ଦେଶ ମଧ୍ୟରେ ପାରସ୍ପରିକ ବୁଝାମଣା ବୃଦ୍ଧି କରିବା।
ଭାରତ ପକ୍ଷରୁ ତ୍ରିପୁରା ଇଣ୍ଟିଗ୍ରେଟେଡ ଚେକ ପୋଷ୍ଟର କଷ୍ଟମ୍ସ ଅଧୀକ୍ଷକ ଦିବ୍ୟେନ୍ଦୁ ଭୌମିକ ଉପସ୍ଥିତ ଥିଲେ। ଢାକା ଭିତ୍ତିକ ରପ୍ତାନି ସଂସ୍ଥା କାର୍ଗୋୱାଲର୍ଡ ଲଜିଷ୍ଟିକ୍ସ ଦ୍ୱାରା ବିତରଣ କାର୍ଯ୍ୟ ପରିଚାଳନା କରାଯାଇଥିଲା। ଏହାପୂର୍ବରୁ, ଜୁନ ୨୩ରେ, ମାଣିକ ହସିନାଙ୍କୁ ୫୦୦ କିଲୋଗ୍ରାମ ସପୁରୀ ପଠାଇଥିଲେ। ଏହା ଉପରେ ପ୍ରଥମ ସଚିବ ରେଜାଉଲ ଆଶା ପ୍ରକଟ କରିଛନ୍ତି ଯେ ଉପହାର ବିନିମୟ ସମ୍ପର୍କକୁ ମଜବୁତ କରିବ। ସେ କହିଛନ୍ତି ଯେ ପ୍ରଧାନମନ୍ତ୍ରୀଙ୍କ ଉପହାର ଯଥାଶୀଘ୍ର ମୁଖ୍ୟମନ୍ତ୍ରୀଙ୍କୁ ପ୍ରଦାନ କରାଯିବ।