କୋକସରା,୨୨ା୬(ଡି.ଏନ୍.ଏ.): କଳାହାଣ୍ଡି ଜିଲା କୋକସରା ବ୍ଲକ କୋକସରା ପଞ୍ଚାୟତ ନିୟନ୍ତ୍ରଣ ଓ ପରିଚାଳନା ଅଧୀନରେ ଥିବା ସର୍ବସାଧାରଣ ସମ୍ପତ୍ତି ଯଥା ହାଟ, ବଜାର,ପୋଖରୀ, କଟା,ଫଳ ବଗିଚା ଇତ୍ୟାଦିକୁ ଆସନ୍ତା ୨୦୨୨/୨୩ ଓ ପରବର୍ତ୍ତୀ ବର୍ଷ ପାଇଁ ଧର୍ମଗଡ଼ ଉପଜିଲାପାଳଙ୍କ ନିର୍ଦ୍ଦେଶ ଅନୁଯାୟୀ ଧାର୍ଯ୍ୟ ମୂଲ୍ୟ ମିଆଦ ଅନୁସାରେ ନିଲାମ ହେବ। ଏନେଇ ଏକ ବୈଠକ କୋକସରା ପଞ୍ଚାୟତ କାର୍ଯ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି। ଏହି ନିଲାମ ବୈଠକରେ କୋକସରା, ଚିଲିଗୁଡ଼ା ଗଡ଼ରାମାଲ ଓ ନୂଆପଡ଼ା ଗ୍ରାମର ଜନସାଧାରଣ ଉପସ୍ଥିତ ଥିଲେ। ପଞ୍ଚାୟତର ପ୍ରତି ଗ୍ରାମରେ ଥିବା ସ୍ବୟଂ ସହାୟକ ଗୋଷ୍ଠୀଙ୍କୁ ଏହି ନିଲାମ ପ୍ରକ୍ରିୟାରେ ଆଗ୍ରାଧିକାର ଦିଆଯାଇଛି। ନିଲାମ ବୈଠକରେ ବ୍ଲକ ଅଧିକାରୀ ଅଶୋକ କୁମାର ସେଠୀ ସମେତ ପଞ୍ଚାୟତ ପିଇଓ ବିରଞ୍ଚି ଖରସେଲ, ସରପଞ୍ଚ କିଶୋର ଚନ୍ଦ୍ର ପ୍ରଧାନୀ ଉପସ୍ଥିତ ରହି ନିଲାମ ପ୍ରକ୍ରିୟା ପରିଚାଳନା କରିଥିଲେ। ଏଥିରେ ନାଏବ ସରପଞ୍ଚ, ଓ୍ବାର୍ଡ ସଭ୍ୟା/ସଭ୍ୟ ପ୍ରମୁଖ ଉପସ୍ଥିତ ଥିଲେ।
