ସୋସିଆଲ ମିଡିଆରେ କିଛିନା କିଛି ଭିଡିଓ ଏବଂ ଫଟୋ ଭାଇରାଲ ହୋଇଥାଏ। ବର୍ତ୍ତମାନ ସେଭଳି ଏକ ଭିଡିଓ ଭାଇରାଲ ହେଉଛି ଯାହାକୁ ଦେଖିଲେ ଆପଣ ମଧ୍ୟ ଭାବପ୍ରବଣ ହେବା ସହ ଆଶ୍ଚର୍ଯ୍ୟ ହୋଇଯିବେ। ଭିଡିଓରେ ଏକ ମା’ର ବାତ୍ସଲ୍ୟ ମମତା ଦେଖିବାକୁ ମିଳୁଛି। କୁହାଯାଏ ଯେ, ମା’ ଚିର ନମସ୍ୟା। ତା’ ପାଇଁ ସବୁ ସନ୍ତାନ ସମାନ। ସେ ସମସ୍ତଙ୍କୁ ସ୍ଥାନ ଦେଇଥାଏ ତାର କୋଳରେ। ଏହି ଭିଡିଓ ସେ ସବୁ କଥାର ପ୍ରମାଣ ଦେଇଛି। ଯେଉଁଥିରେ ଏକ ଗାଈଠୁ କୁକୁର ଛୁଆ କ୍ଷୀର ପିଉଛନ୍ତି। ଗାଈଟି ଶୋଇରହିଥିବା ବେଳେ କୁକୁର ଛୁଆ ତାଠାରୁ ବିନା ଦ୍ୱିଧାରେ କ୍ଷୀର ପିଉଛନ୍ତି।
ଭିଡିଓଟିକୁ ଭାରତୀୟ ବନସେବା ଅଧିକାରୀ ସୁଶାନ୍ତ ନନ୍ଦ ତାଙ୍କ ଟୁଇଟରରେ ଶେୟାର କରିଛନ୍ତି। କ୍ୟାପଶନ୍ରେ ସେ ଲେଖିଛନ୍ତି ଯେ, ମା’ମାନେ ଦେବୀ, ସେମାନେ ପିଲାମାନଙ୍କ ମଧ୍ୟରେ ପାର୍ଥକ୍ୟ ଦେଖନ୍ତି ନାହିଁ, ସମସ୍ତେ ଈଶ୍ୱରଙ୍କ ସନ୍ତାନ। ଏହି ଭିଡିଓଟି ଭାଇରାଲ ହେବାରେ ଲାଗିଛି।