ବ୍ୟସ୍ତବହୁଳ ଜୀବନରୁ ଟିକେ ଶାନ୍ତି ପାଇଁ ସମସ୍ତେ ଚାହାନ୍ତି। ଏକ ଶାନ୍ତ ପରିବେଶରେ, ମନରେ ଏକାଗ୍ରତା ଆସେ। ଯାହାକି ପ୍ରତ୍ୟେକ କାମ କରିବା ସହଜ ହୋଇଥାଏ। ଆଜି ଦୁନିଆର ସବୁଠାରୁ ସୁନ୍ଦର କୋଠରି ବିଷୟରେ କହିବୁ ଯାହାକି ଦୁନିଆର ସବୁଠୁ ଶାନ୍ତ କୋଠରି।
ଏହି କୋଠରିଟି ବହୁତ ଭଲ ଭାବରେ ଡିଜାଇନ ହୋଇଛି । ଯଦ୍ଦ୍ବାରା ବାହାରୁ ସାମାନ୍ୟ ଶବ୍ଦ ମଧ୍ୟ ଆସିବ ନାହିଁ। କେବଳ ଏତିକି ନୁହେଁ, ଏହି କୋଠରିରେ ପ୍ରବେଶ କରିବା ପରେ, ହୃଦୟର ଶବ୍ଦ ମଧ୍ୟ ଶୁଣିପାରିବେ। ହାଡ଼କୁ ହାଡ଼ ଘଷି ହେଉଥିବାର ଶବ୍ଦ ବି ଶୁଣିପାରିବେ। ଏଥିଯୋଗୁ ଏହି କୋଠରିଟି ସବୁବେଳେ ଚର୍ଚ୍ଚାରେ ରହିଥାଏ।
ଏହି କୋଠରିଟି ଆମେରିକାର ଓ୍ବାଶିଂଟନରେ ଅବସ୍ଥିତ ମାଇକ୍ରୋସଫ୍ଟର ମୁଖ୍ୟାଳୟରେ ଅଛି। ଏହି କୋଠରି ଭିତରେ ଅନେକ ବିଶେଷ ଜିନିଷ ଅନ୍ତର୍ଭୁକ୍ତ କରାଯାଇଛି, ଯାହା ବାହାରର ଶବ୍ଦ ଭିତରକୁ ପ୍ରବେଶ କରିବାକୁ ଦେଇ ନ ଥାଏ।
ଏହା କଂକ୍ରିଟ ଏବଂ ଷ୍ଟିଲର ୬ଟି ସ୍ତରରେ ନିର୍ମିତ ହୋଇଛି। କୋଠରି ନିର୍ମାଣ ପାଇଁ ଦେଢ଼ ବର୍ଷରୁ ଅଧିକ ସମୟ ଲାଗିଥିଲା। ସେଥିପାଇଁ ଏହି କୋଠରିର ନାମ ଗିନିଜ ବୁକ୍ ଅଫ ଓ୍ବାଲର୍ଡ ରେକର୍ଡରେ ସବୁଠାରୁ ଶାନ୍ତ କୋଠରି ଭାବରେ ସ୍ଥାନ ପାଇଛି।