ଅଯୋଧ୍ୟା,୩୧।୧୦: ଆଲୋକର ପର୍ବ ଦୀପାବଳି ସମଗ୍ର ଦେଶରେ ଖୁବ ଆଡମ୍ବର ସହ ପାଳନ କରାଯାଉଛି। ଏହି ଦିନ ମନ୍ଦ ଉପରେ ଭଲର ବିଜୟ, ଅନ୍ଧକାର ଉପରେ ଆଲୋକ ଏବଂ ନିରାଶା ଉପରେ ସୁଖର ପ୍ରତୀକ ଅଟେ। ନିର୍ବାସନ ପରେ ଭଗବାନ ରାମଙ୍କ ଅଯୋଧ୍ୟାକୁ ପ୍ରତ୍ୟାବର୍ତ୍ତନ ପାଇଁ ଏହି ପର୍ବ ପାଳନ କରାଯାଏ । ପୁରାଣ ଅନୁଯାୟୀ, ଏହି ଦିନ ଭଗବାନ ରାମ ୧୪ ବର୍ଷ ନିର୍ବାସନ ସମାପ୍ତ କରିବା ପରେ ମାତା ସୀତା ଏବଂ ଲକ୍ଷ୍ମଣଙ୍କ ସହ ଅଯୋଧ୍ୟାକୁ ଫେରିଥିଲେ। ଏହି ଉତ୍ସବକୁ ପାଳନ କରିବା ପାଇଁ ଅଯୋଧ୍ୟାବାସୀ ସମଗ୍ର ସହରକୁ ଦୀପ ଦ୍ୱାରା ସଜାଇ ଥିଲେ। ଏହି ପରମ୍ପରା ଆଜି ବି ଜାରି ରହିଛି । ଦୀପାବଳି ଦିନ ଭକ୍ତମାନେ ଲକ୍ଷ୍ମୀ, ଭଗବାନ ଗଣେଶ ଏବଂ ଭଗବାନ କୁବେରଙ୍କୁ ପୂଜା କରନ୍ତି। ଗୁରୁବାର ଦୀପାବଳି ଅବସରରେରେ, ଦେଶ ଏବଂ ବିଶ୍ୱର ଅନେକ ସ୍ଥାନରେ ଏହା ପାଳନ କରାଯାଉଛି।
ଆଜି ସମଗ୍ର ଦେଶ ଦୀପାବଳିର ମହୋତ୍ସବ ପାଳନ କରୁଛି। ଏହି ସମୟରେ ଭଗବାନ ରାମଙ୍କ ସହର ଅଯୋଧ୍ୟାକୁ ନବବଧୂ ପରି ସଜାଯାଇଛି। ଭଗବାନ ରାମଙ୍କ ମହାନ ମନ୍ଦିରକୁ ରଙ୍ଗୀନ ଆଲୋକରେ ସଜାଯାଇଛି। ରାତିରେ ରାମଲଲା ମନ୍ଦିର ଚମତ୍କାର ଦେଖାଯାଉଛି। ଆଲୋକରେ ସ୍ନାନ କରୁଥିବା ରାମ ମନ୍ଦିର ପୂର୍ବ ଅପେକ୍ଷା ଅଧିକ ସୁନ୍ଦର ଦେଖାଯାଉଛି।