ଭୁବନେଶ୍ୱର, ୨୯ା୧୧(ସୁନିତ୍ ମିଶ୍ର):ବିଧାନସଭାରେ ଓଡ଼ିଶା ସାମଗ୍ରୀ ଓ ସେବା ଟିକସ୍ (ଦ୍ୱିତୀୟ ସଂଶୋଧନ) ବିଲ୍, ୨୦୨୪ ଉପରେ ଆଲୋଚନା ଚାଲିଥାଏ। ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଉତ୍ତର ରଖୁଥାଆନ୍ତି। ଏହି ଅବସରରେ ପୂର୍ବରୁ ଗୃହରେ ବିଜେଡି ସଦସ୍ୟ ରଣେନ୍ଦ୍ର ପ୍ରତାପ ସ୍ବାଇଁ (ରାଜା ସ୍ବାଇଁ) ଉଠାଇଥିବା କିଛି ବିଷୟ ନେଇ ମୁଖ୍ୟମନ୍ତ୍ରୀ ତାଙ୍କ ଉତ୍ତରରେ କହୁଥାଆନ୍ତି। ଏତିକିବେଳେ ରଣେନ୍ଦ୍ର ପ୍ରତାପଙ୍କୁ ମୁଖ୍ୟମନ୍ତ୍ରୀ କହିଲେ, ଆପଣ ବିଲ୍ ଉପରେ ଆଲୋଚନା କରି ଗୃହରୁ ଚାଲିଗଲେ। ଏହି ସମୟରେ ଅସଲ ରାଜା (କନକ ବର୍ଦ୍ଧନ ସିଂଦେଓ) ଗୃହରେ ପଶିଲେ। ମୋ ପାଖରେ ବସିକି କହିଲେ, ଅସଲ ରାଜା ଆସିଲେ, ଡୁପ୍ଲିକେଟ ରାଜା ବାହାରି ଚାଲିଗଲେ। ଏକଥା ଶୁଣି ରଣେନ୍ଦ୍ର ପ୍ରତାପଙ୍କଠାରୁ ଆରମ୍ଭ କରି ଅନ୍ୟ ସଦସ୍ୟମାନେ ହସି ଉଠିଥିଲେ।