ଭୁବନେଶ୍ୱର, ୯।୧୧(ବ୍ୟୁରୋ)-ଭୁବେନଶ୍ୱର ଆଞ୍ଚଳିକ ବିଜ୍ଞାନ କେନ୍ଦ୍ର ମଙ୍ଗଳବାରଠାରୁ ଦର୍ଶକଙ୍କ ପାଇଁ ଖୋଲିବ। ଏ ନେଇ ସୋମବାର ବିଜ୍ଞାନ କେନ୍ଦ୍ରର ପ୍ରକଳ୍ପ ସଂଯୋଜକ ସୂଚନା ଦେଇଛନ୍ତି। ଭାରତ ସରକାର ଓ ଓଡିଶା ସରକାରଙ୍କ ସମସ୍ତ ନିର୍ଦ୍ଦେଶାବଳୀକୁ ଅବଲମ୍ବନ କରାଯାଇ ବିଜ୍ଞାନ କେନ୍ଦ୍ର ପୁଣି ଖୋଲିବାକୁ ଯାଉଛି। ଦର୍ଶକଙ୍କ ପାଇଁ ବିଜ୍ଞାନ କେନ୍ଦ୍ର ପୂର୍ବାହ୍ନ ୯ଟା ୩୦ରୁ ସନ୍ଧ୍ୟା ୬ଟା ପର୍ଯ୍ୟନ୍ତ ଖୋଲା ରହିବ। ସେହିପରି ଟିକେଟ୍ କାଉଣ୍ଟର ସନ୍ଧ୍ୟା ୫ଟା ୩୦ମିନିଟ୍ ପର୍ଯ୍ୟନ୍ତ ଖୋଲା ରହିବ। ସବିଶେଷ ତଥ୍ୟ ପାଇଁ ଦର୍ଶକମାନେ ବିଜ୍ଞାନ କେନ୍ଦ୍ରର ଓ୍ବେବ୍ସାଇଟ୍ www.rscbhubaneswar.orgରେ ଦେଖିପାରିବେ।