ମୁମ୍ବାଇ: ବହୁ ପ୍ରତୀକ୍ଷିତ ଫିଲ୍ମ‘ରାଧେ ଶ୍ୟାମ୍’ରିଲିଜ୍ ଡେଟ୍ ଘୁଞ୍ଚାଇ ଦିଆଯାଇଛି। କୋଭିଡ ସଂକ୍ରମଣ ବୃଦ୍ଧି ଯୋଗୁ ଏହି ଫିଲ୍ମ ରିଲିଜ୍କୁ ସ୍ଥଗିତ ରଖାଯାଇଛି। ଏ ନେଇ ଫିଲ୍ମ ନିର୍ମାତା ଟୁଇଟ୍ କରି ସୂଚନା ଦେଇଛନ୍ତି। ସେ ଲେଖିଛନ୍ତି, ‘କରୋନା ସ୍ଥିତି ପାଇଁ ଆମକୁ ଫିଲ୍ମ ‘ରାଧେ ଶ୍ୟାମ’ର ରିଲିଜକୁ ଘୁଞ୍ଚାଇବାକୁ ପଡୁଛି। ଫ୍ୟାନ୍ମାନଙ୍କ ସମର୍ଥନ ପାଇଁ ଧନ୍ୟବାଦ। ଖୁବଶୀଘ୍ର ସିନେମା ହଲରେ ଦେଖା ହେବ।’
ଏହି ଟୁଇଟ୍ ସହ ଫିଲ୍ମ ନିର୍ମାତା ଏକ ଫଟୋକୁ ମଧ୍ୟ ଶେୟାର କରିଛନ୍ତି। ଏହି ଫଟୋରେ ଲେଖାଅଛି,’ଗତ କିଛି ଦିନ ହେବ ଆମେ ଚେଷ୍ଟା କରୁଥିଲୁ, କିନ୍ତୁ ଓମିକ୍ରନ ଭାରିଆଣ୍ଟ ବୃଦ୍ଧି ପାଉଥିବା ମାମଲାକୁ ଦେଖିଲେ ଏହା ଲାଗୁଛି ଯେ ବଡ ପରଦାରେ ଆସିବା ପାଇଁ ଆମକୁ ଅପେକ୍ଷା କରିବାକୁ ପଡିବ।’ ଏହି ଫିଲ୍ମଟି ଡିସେମ୍ବର ୧୪ରେ ରିଲିଜ୍ ହେବାକୁ ଘୋଷଣା କରାଯାଇଥିଲା। ରିଲିଜ ହେବାର ଘୋଷଣା ୧୦ ଦିନ ପୂର୍ବରୁ ଥିଏଟରରେ ହିଟ ହେବାର ଯୋଜନା ଥିଲା। ତେବେ କୋଭିଡ ସଂକ୍ରମଣକୁ ଦୃଷ୍ଟିରେ ରଖି ଏଭଳି ନିଷ୍ପତ୍ତି ନିଆଯାଇଛି।
