ଗଞ୍ଜାମ,୮।୫(ଡି.ଏନ୍.ଏ.): କୋଭିଡ୍ କଟକଣା ପାଇଁ ସର୍ବସାଧାରଣ ଯେ କୌଣସି ସରକାରୀ ଅଫିସ ଯିବାକୁ ବାରଣ କରାଯାଇଛି l ଏଥିପାଇଁ ତହସିଲ ପ୍ରଶାସନ ପକ୍ଷରୁ ଲୋକଙ୍କୁ ସେବା ଯୋଗାଇ ଦେବା ପାଇଁ ଭିନ୍ନ ଏକ ପ୍ରୟାସ ଆରମ୍ଭ କରାଯାଇଛି। ଲୋକଙ୍କ ଘରୁ ଘର ଯାଇ ବିଭିନ୍ନ ସମସ୍ୟା ବୁଝିବାକୁ ରାଜସ୍ବ ରଥ ଶୁଭାରମ୍ଭ ହୋଇଛି l ତହସିଲଦାର ଅରୁଣ କୁମାର ନାୟକ ଏହାର ଶୁଭାରମ୍ଭ କରିବା ସହ ବିଭିନ୍ନ ଓ୍ବାର୍ଡକୁ ଯାଇ ପଟ୍ଟା ବଣ୍ଟନ କରୁଥିବା ଦେଖିବାକୁ ମିଳିଛି। ଏହି କାର୍ଯ୍ୟକ୍ରମରେ ରାଜସ୍ବ ନିରୀକ୍ଷକ ରବୀନ୍ଦ୍ର କୁମାର ପ୍ରଧାନ, ରେକର୍ଡ କର୍ମଚାରୀ ପ୍ରଭାସିନୀ ଶବର ପ୍ରମୁଖ ଉପସ୍ଥିତ ଥିଲେ।